రాష్ట్రీయం
లాభసాటిగా వ్యవసాయం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 1: రాష్ట్రాన్ని కరువు రహితంగా తీర్చిదిద్దడమే గాక రైతుకు తాను చేసే వ్యవసాయం అన్ని విధాలుగా లాభసాటిగా రూపొందించాలన్న ప్రధాన లక్ష్యంతో రాయలసీమ, కోస్తాంధ్ర ప్రాంతాల్లో వివిధ కార్యక్రమాలకు రూపకల్పన చేసినట్లు సిఎం చంద్రబాబు వెల్లడించారు. స్థానిక విలేఖర్లతో మాట్లాడుతూ వచ్చే ఐదు నెలల్లో హంద్రీ-నీవా పథకం నుంచి హిందూపూర్-మడకశిర వరకు సాగునీటిని తీసుకువెళతామన్నారు. అనంతపురం జిల్లాలో వర్షాభావ పరిస్థితులను ఎదుర్కొనేందుకు పది వేల హెక్టార్లలో పంట సంజీవని పథకాన్ని అమలు చేస్తున్నట్లు ఆయన తెలిపారు. పొలంలో రైతులు తవ్వే ఈ కుంటకు ప్రభుత్వమే నూటికి నూరు శాతం నిధులు ఇస్తుందన్నారు. ఎన్‌ఆర్‌జిఎస్ పథకం కింద వేతనాలు ఇవ్వటం జరుగుతుందన్నారు. జలవనరులశాఖ మంత్రి కార్యాలయంలో ముఖ్యమంత్రి మంగళవారం నీరు-ప్రగతిపై శే్వతపత్రాన్ని విడుదల చేసారు. వ్యవసాయం, పండ్ల తోటలు, లైవ్ స్టాక్‌లలో 20 శాతం వృద్ధి సాధించేందుకు ప్రభుత్వం కృతనిశ్చయంతో వుందన్నారు. దీనివలన వ్యవసాయ రంగంతో ముడిపడి వున్న 60 శాతం మందికి మేలు జరగడంతో పాటు గ్రామీణ ఆర్ధిక పరిస్థితి మెరుగవుతుందన్నారు. వర్షపు నీటిని సమర్ధవంతంగా వినియోగించుకోవటం, నిల్వ చేయటం, భూగర్భ జలాలను పెంచుకోవటం, నదుల అనుసంధానం, వర్షాభావ పరిస్థితులను ఎదుర్కోవటం వంటి సమగ్ర విధానాలను అవలంబించటం జరుగుతుందన్నారు. రాష్ట్రంలో 3కోట్ల 95 లక్షల ఎకరాల మేర భూమి వుందని, అయితే కోటీ 99 లక్షల ఎకరాలు మాత్రమే ప్రస్తుతానికి వ్యవసాయ యోగ్యంగా కనిపిస్తుందని అన్నారు. ఇందుకోసం 2,390 టిఎంసిలు, అలాగే పరిశ్రమలకు మరో 240 టిఎంసిలు తాగునీటికి 86 టిఎంసిల నీరు అవసరమవుతుందని అన్నారు. ప్రస్తుత సంవత్సరం కృష్ణానది పరీవాహక ప్రాంతంలో సరిపడ నీరు రానప్పటికీ రైతు పంట కాపాడగలిగామన్నారు. పట్టిసీమ నుంచి ప్రస్తుతం 6.5 టిఎంసిల నీటినే మళ్లించగలిగినా వచ్చే ఏడాది నుంచి 80 టిఎంసిల నీటిని అలాగే ఎర్రకాలువ వంటి చిన్న నీటి వనరుల నుంచి మరో 20 టిఎంసిల నీరు కృష్ణాడెల్టాకు రాగలదని ముఖ్యమంత్రి ధీమా వ్యక్తం చేశారు. అనంతపురం జిల్లాలో అన్ని చెరువులకు సాగునీటిని అందిస్తామన్నారు. గాలేరు-నగరి పూర్తిచేయటం ద్వారా కడప, కర్నూలు జిల్లాలకు గ్రావెడితో నీళ్లిస్తామని, గురురాఘవేంద్ర వంటి ఇతర పథకాలను పూర్తిచేస్తామన్నారు. చిత్తూరు జిల్లాలో సోమశిల, స్వర్ణముఖి పూర్తిచేసి అన్ని చెరువులకు నీళ్లిస్తామన్నారు. ఈ నెల 26, 27 తేదీల్లో తొలి శే్వతపత్రాన్ని విడుదల చేస్తామన్నారు. ఈ సమావేశంలో మంత్రి దేవినేని ఉమామహేశ్వరరావు, ఇరిగేషన్ శాఖ ముఖ్య కార్యదర్శి ఆదిత్యనాధ్ దాస్, కార్యదర్శి శశిభూషణ్, ఇంజనీరింగ్ చీఫ్ వెంకటేశ్వరరావు, తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.