రాష్ట్రీయం
చరిత్ర కనుమరుగు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 5: సుమారు ఎనిమిది దశాబ్దాలు హైదరాబాద్ నుంచి వివిధ ప్రాంతాలకు వెళ్లే ప్రయాణికులకు విశిష్ట సేవలు అందించిన అద్భుత నిర్మాణం సెంట్రల్ బస్ స్టేషన్ చరిత్ర ఇకపై కనుమరుగు కానుంది. సీబీఎస్‌గా అందరికీ చిరపరచితమైన ఈ అద్భుత నిర్మాణం గౌలిగూడ బస్ స్టేషన్ భారీ షెడ్డు గురువారం తెల్లవారు జామున కుప్పకూలింది. భారీ శబ్దంతో అది పడిపోవడంతో సమీపంలో ఉన్న వారంతా ఏం జరిగిందోనన్న ఆత్రుతతో అక్కడికి పరుగులు తీశారు. ఈ బస్టాండ్‌కు కాలం తీరిపోవడంతో కూలిపోయే అవకాశం ఉందని
జీహెచ్‌ఎంసీ హెచ్చరికల నేపధ్యంలో ఆర్టీసీ ఉన్నతాధికారుల ఆదేశాలతో జూన్ 30 నుంచే బస్సుల రాకపోకలతోపాటు, ప్రయాణికులను అనుమతించడం కూడా నిలిపివేశారు. దీంతో పెను ప్రమాదం తప్పిందని అంతా ఊపిరిపీల్చుకున్నారు. కానీ, ఒక చారిత్రక నిర్మాణం ఇకపై కనబడదన్న వాస్తవాన్ని ప్రజలు జీర్ణించుకోలేకపోతున్నారు. కాగా, ఈ సంఘటనలో ఎవరికీ ఎలాంటి ఆపద సంభవించలేదు. సంఘటన గురించి తెలియగానే పోలీసులు, ఆర్టీసీ అధికారులు హుటాహుటిన విచ్చేశారు. ఎవరినీ సమీపంలోకి రాకుండా బారిగేడ్లు ఏర్పాటు చేశారు. రాష్ట్ర రవాణా శాఖ మంత్రి మహేందర్‌రెడ్డి, టిఎస్‌ఆర్టీసి ఇన్‌చార్జి ఎండి, రవాణా శాఖ ముఖ్య కార్యదర్శి సునీల్ శర్మ కూలిన సిబిఎస్ షెడ్డును సందర్శించారు.
సీబీఎస్ నుంచి గతంలో హైదరాబాద్‌లోని 29 డిపోల నుంచి 510 బస్సులు నిత్యం రాకపోకలు జరిగేవి. ప్రతి రోజు 85 వేల మంది ఈ బస్‌స్టేషన్ ద్వారా ప్రయాణించేవారు. 1930లో నిజాం కాలంలో నిర్మించిన ఈ భారీ షెడ్డును ఆ తర్వాత 1951లో ఆర్టీసీ స్వాధీనం చేసుకుంది. డిపోగా మార్చింది. అనంతరం బస్ స్టేషన్ నిర్వహణ మొదలుపెట్టింది. 1930లో అమెరికాకు చెందిన బట్లర్ కంపెనీ ఈ సిబిఎస్ షెడ్ నిర్మించగా, దీనికి మిసిసిపీ ఏయిర్‌క్రాఫ్ట్ హ్యాంగర్‌గా నామకరణం చేశారు. వాస్తవానికి దానిని ఏడవ నిజాం మీర్ ఉస్మాన్ ఆలీఖాన్ తన విమాన స్థావరం కోసం దీన్ని ఏర్పాటు చేయించారు. దశాబ్దాల తరబడి సేవలు అందించిన తర్వాత, పెరుగుతున్న రద్దీని దృష్టిలో ఉంచుకొని మూసీ నది మధ్యలో మహాత్మా గాంధీ బస్ స్టేషన్ (ఎంజీబీఎస్)ను నిర్మించారు. సీబీఎస్‌లో నిలిచే అన్ని సర్వీసులను ఎంజీబీఎస్‌కు తరలించారు. దీనితో సీబీఎస్ ఖాళీ అయ్యింది. 2006 నుంచి సిటీ బస్సులు నిలిపివేందుకు వీలుగా టెర్మినల్‌గా మార్పు చేశారు. అప్పటి నుంచి నగరంలో 33 రూట్లలో సుమారు 2385 సిటీ బస్ సర్వీసులను నడుపుతూ వచ్చారు. హైదరాబాద్ రీజియన్ పరిధిలోకి వచ్చే సీబీఎస్ ద్వారా విస్తృతమైన సేవలందిస్తూ వచ్చింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.