రాష్ట్రీయం
ఎన్‌డీఏలో వైకాపా చేరాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 14: కేంద్రంలో ఎన్‌డీఏ ప్రభుత్వంలో వైకాపా చేరాలని కేంద్ర సామాజిక న్యాయ శాఖా మంత్రి రామదాస్ అఠావలె పేర్కొన్నారు. ఎన్‌డీఎ నుండి టీడీపీ వైదొలగిన కారణంగా వైకాపా చేరాలని రానున్న రోజుల్లో ఆంధ్రప్రదేశ్‌కు ముఖ్యమంత్రి అభ్యర్థిగా జగన్మోహన్‌రెడ్డిని నిలిపేందుకు తాను ప్రధాని నరేంద్రమోదీతోనూ, బీజేపీ జాతీయ అధ్యక్షుడు అమిత్ షాతోనూ మాట్లాడతానని అఠావలె చెప్పారు. శనివారం నాడు ఆయన రాజధానిలో జరిగిన పలు కార్యక్రమాల్లో పాల్గొన్నారు. ఈ సందర్భంగా ఆయన పాత్రికేయులతో మాట్లాడుతూ ఆంధ్రప్రదేశ్‌లో జగన్మోహన్‌రెడ్డి మంచి ప్రజాదరణ ఉన్న నాయకుడని అన్నారు. అయితే ఇటీవల జరిగిన మరో సమావేశంలో టీడీపీ అధినేత చంద్రబాబునాయుడు కూడా ఎన్‌డీఏలో చేరాలని అఠావలె కోరడం, నేడు తాజాగా వైకాపా అధినేతను ఎన్‌డీఏలో చేరాలని కోరడం అందరినీ విస్మయానికి గురిచేసింది. కాగా, అంతకుముందు ఆయన పాల్గొన్న పలు కార్యక్రమాల్లో మాట్లాడుతూ ఎస్సీ, ఎస్టీల అత్యాచారాల నిరోధక చట్టం-1989పై సుప్రీంకోర్టు చేసిన వ్యాఖ్యలను ఆమోదించలేమని అన్నారు. చట్టపరిధిలో అవతలి వ్యక్తికి నష్టం జరగకూడదనే సుప్రీంకోర్టు అభిప్రాయపడిందే తప్ప, ఎస్సీ, ఎస్టీల హక్కులకు ఎలాంటి భంగం వాటిల్లబోదని కేంద్ర మంత్రి వ్యాఖ్యానించారు. సుప్రీంకోర్టు ఇచ్చిన ఆదేశాల నేపథ్యంలో కేంద్రం కొత్త బిల్లును తీసుకురాబోతోందని ఆయన వెల్లడించారు. ఈ బిల్లు ఉద్దేశం ఎస్సీ, ఎస్టీ హక్కులను కాపాడటమే తప్ప ఎవరికీ వ్యతిరేకం కాదని చెప్పారు. ఎస్సీ, ఎస్టీల పదోన్నతుల హక్కులను కాపాడే అంశంలోనూ సామాజిక న్యాయ మంత్రిత్వశాఖ ప్రధాని నరేంద్రమోదీతోనూ, న్యాయ శాఖా మంత్రితోనూ చర్చిస్తోందని చెప్పారు. 1989లో పార్లమెంటులో చేసిన చట్టంలో సుప్రీంకోర్టు అభిప్రాయాలకు తావు లేదని మంత్రి పేర్కొన్నారు. ఎస్సీ, ఎస్టీల అత్యాచార నిరోధక చట్టం కింద నమోదవుతున్న కేసుల్లో కొన్ని బోగస్ అని తేలిందని, అయితే ఎక్కువ భాగం అసలైన కేసులేనని గత ఏడాది దేశవ్యాప్తంగా 27వేల కేసులు నమోదయ్యాయని చెప్పారు. తెలంగాణలో గత నాలుగేళ్లలో 7634 కేసులు నమోదయ్యాయని ఇందులో దోషులకు శిక్ష పడింది కేవలం 10 శాతం మందికి మాత్రమేనని పేర్కొన్నారు.
చిత్రం..హైదరాబాద్‌లో విలేఖరుల సమావేశంలో మాట్లాడుతున్న కేంద్ర మంత్రి రామదాస్ అఠావలె
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.