రాష్ట్రీయం
న్యాయమూర్తులను నియమించండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 14: ఉమ్మడి హైకోర్టులో గత మూడేళ్లుగా ఖాళీగా ఉన్న న్యాయమూర్తుల పదవులను భర్తీ చేయాలని తెలంగాణ హైకోర్టు అడ్వకేట్ల సంఘం , ఏపీ హైకోర్టు అడ్వకేట్ల సంఘం ప్రధాన న్యాయమూర్తి జస్టీస్ టి బి రాధాకృష్ణన్‌ను కోరుతున్నాయి. గత మూడేళ్లుగా న్యాయమూర్తుల పోస్టులు భర్తీ కాలేదని, కేంద్రప్రభుత్వం వివిధ రాష్ట్రాల హైకోర్టుల్లో ఖాళీల భర్తీకి న్యాయమూర్తుల నియామకానికి సంబంధించిన జాబితాను త్వరలో సుప్రీంకోర్టుకు పంపించనున్న నేపథ్యంలో ఆంధ్రా, తెలంగాణ రాష్ట్రాల నుండి కూడా జాబితాలను పంపించాలని తెలంగాణ హైకోర్టు న్యాయవాదుల సం ఘం అధ్యక్షుడు సి దామోదర్‌రెడ్డి పేర్కొన్నారు. ప్రస్తుతం హైకోర్టులో 3.5 లక్షల కేసులు పెండింగ్‌లో ఉన్నాయని, వాటి పరిష్కారానికి న్యాయమూర్తులను నియమించాల్సి ఉందని చెప్పారు. దేశంలోని 24 హైకోర్టుల్లో ఖాళీగా ఉన్న 411 న్యాయమూర్తి పోస్టులకు గానూ 120 పోస్టులను భర్తీ చేయాలనే యోచనలో కేంత్రద ప్రభుత్వం ఉందని, అయితే ఏపీ, తెలంగాణ నుండి ఒక్క పేరును కూడా ఇంత వరకూ సిఫార్సు చేయలేదని, కొత్త ప్రధాన న్యాయమూర్తి ఈ అంశంపై దృష్టి సారించాలని న్యాయవాదుల సంఘాల ప్రతినిధులు పేర్కొంటున్నారు. ఇంత కాలం తాత్కాలిక ప్రధాన న్యాయమూర్తిగానే కొనసాగినందున జస్టిస్ రమేష్ రంగనాధన్ సిఫార్సులను పంపించలేకపోయారని, ప్రస్తుతం శాశ్వత ప్రధాన న్యాయమూర్తి వచ్చినందున, ఏపీ, తెలంగాణ ఉమ్మడి హైకోర్టులో ఖాళీల భర్తీకి చొరవ చూపాలని వారు కోరా రు. ఈ మేరకు త్వరలో ప్రధాన న్యాయమూర్తిని కూడా కలిసి ఒక వినతి పత్రం అందిస్తామని వారు చెప్పారు.
ప్రభుత్వ స్థలాన్ని కాపాడండి
ఆంధ్రప్రదేశ్‌లోని భీమునిపట్నంలో కోట్లు ఖరీదు చేసే ప్రభుత్వ స్థలాలు కబ్జా కాకుండా చూడాలని, ఒక వేళ కబ్జా అయితే వాటిని ప్రభుత్వ ఆధీనంలోకి తీసుకోవాలని హైకోర్టు భీమునిపట్నం తహసీల్దార్‌ను ఆదేశించింది. జస్టీస్ రాధాకృష్ణన్, జస్టిస్ రమేష్ రంగనాధన్‌లతో కూడిన డివిజన్ బెంచ్ ఈ ఆదేశాలు ఇచ్చింది.
సివిల్స్ ప్రిలిమ్స్‌లో తెలుగువారి ప్రతిభ
యూనియన్ పబ్లిక్ సర్వీసు కమిషన్ 2018 సివిల్ సర్వీసెస్ ప్రిలిమినరీ ఫలితాలను శనివారం నాడు ఢిల్లీలో విడుదల చేసింది. జాబితాను కమిషన్ అధికారిక వెబ్‌సైట్‌లో ఉంచారు. తెలుగు రాష్ట్రాల నుండి సుమారు 800 మంది మెయిన్ పరీక్షలకు ఎంపికయ్యారని సమాచారం. ప్రిలిమ్స్‌లో ఉత్తీర్ణత సాధించిన వారు 2018 మెయిన్స్ పరీక్షలు రాసేందుకు రిజిస్టర్ చేసుకోవాలి. మెయిన్స్ సెప్టెంబర్ 28 నుండి అక్టోబర్ 7 వరకూ జరుగుతాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.