రాష్ట్రీయం
నీటమునిగిన సంగమేశ్వరుడు
S ,7 à 8 RSCA (si SASPAS) et 6 cialis pharmacie cialis rapports de stage.
కర్నూలు, జూలై 23: నల్లమల అటవీ ప్రాంతంలోని కర్నూలు జిల్లా కొత్తపల్లె మండలంలోని లలితా సంగమేశ్వరుడు సోమవారం గంగ ఒడికి చేరుకున్నాడు. శ్రీశైలం జలాశయం నీటిమట్టం 851 అడుగులకు చేరుకోవడంతో కేవలం ఆలయ శిఖర భాగం మాత్రమే కనిపిస్తోంది. మంగళవారం ఉదయానికి అదికూడా పూర్తిగా నీట మునిగే అవకాశముంది. ఈ ఏడాది ఫిబ్రవరి 13వ తేదీ శ్రీశైల జలాల నుంచి బయటపడిన సంగమేశ్వరుడు ప్రత్యేక పూజలందుకుంటున్నాడు. ఆలయ పురోహితులు తెలకపల్లె రఘురామశర్మ ఆధ్వర్యంలో లలితా సంగమేశ్వర ఆలయంలో ప్రతి సోమవారం పూజలు నిర్వహించారు. ఈ ఏడాది అనుకున్న సమయానికంటే రెండు వారాలు ముందుగానే ఆలయం మళ్లీ జలాధివాసం కావడం విశేషం. ఆలయంలోకి ఆదివారం సాయంత్రం నుంచి నీటి చేరిక ప్రారంభమైంది. దాంతో ఆలయ పూజారి రఘురామ శర్మ వరద నీటిలో ఆలయానికి చేరుకొని వేపదారు లింగానికి ప్రత్యేక పూజలు నిర్వహించారు. ఇక తొలి ఏకాదశి పర్వదినాన లలితా సంగమేశ్వరుడు పూర్తిగా గంగమ్మ ఒడికి చేరుకోవడంతో భక్తులు విశేషంగా చెప్పుకుంటూ హర్షం వ్యక్తం చేశారు. ఆలయ శిఖర భాగం మాత్రమే కనిపిస్తుండటంతో పురాతన ఆలయ శిఖర పూజలను ఘనంగా నిర్వహించారు. అనంతరం శ్రీశైల జలాశయం ఎగువన ఉన్న నూతన ఆలయంలో స్వామి, అమ్మవార్ల కల్యాణోత్సవం భక్తుల ఆధ్వర్యంలో జరిపించారు. పురాతన ఆలయం గంగ ఒడికి చేరుకోవడంతో మళ్లీ దేవదారు శివలింగ దర్శనం కావాలంటే ఫిబ్రవరి వరకు ఆగాల్సిందే.
చిత్రాలు..శ్రీ లలితా సంగమేశ్వర ఆలయ శిఖర పూజలు నిర్వహిస్తున్న ఆలయ పురోహితుడు
* శ్రీశైలం జలాశయం బ్యాక్‌వాటర్‌లో మునిగిపోయిన శ్రీ లలితా సంగమేశ్వర ఆలయం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.