రాష్ట్రీయం
అన్ని సీట్లకూ ఒంటరిగానే పోటీ
S ,7 à 8 RSCA (si SASPAS) et 6 cialis pharmacie cialis rapports de stage.
కొత్తగూడెం, జూలై 23: రానున్న ఎన్నికల్లో తెలంగాణ రాష్ట్రంలోని అన్ని సీట్లకు ఒంటరిగా పోటీచేస్తామని తెలంగాణ జనసమితి (టీజేఎస్) అధ్యక్షులు ప్రొఫెసర్ కోదండరాం అన్నారు. అభ్యర్థులను ముందుగా ప్రకటించడంతో పాటు సమర్థులకు ప్రాధాన్యత ఇస్తామని తెలిపారు. ప్రజాసమస్యల పరిష్కారం కోసం అన్ని రాజకీయ పార్టీలతో కలిసి పోరాటం చేస్తామని ప్రకటించారు. సోమవారం కొత్తగూడెంలో ఏర్పాటుచేసిన విలేఖరుల సమావేశంలో ఆయన మాట్లాడుతూ తెలంగాణ జనసమితిని గ్రామస్థాయిలో బలోపేతం చేసేందుకు కార్యకర్తలను సన్నద్ధం చేస్తున్నట్లు తెలిపారు.
గ్రామస్థాయి కమిటీల నుండి జిల్లాస్థాయి కమిటీల వరకు నియమిస్తామని తెలిపారు. ప్రజాసమస్యల పరిష్కారం కోసం పనిచేసే తెలంగాణ జన సమితికి పట్టం గట్టాలని ప్రజలను కోరారు. పైసలు ఇచ్చే వారికంటే మంచి పరిపాలన అందించే వారికే ప్రజలు మద్దతు ఇస్తారని పేర్కొన్నారు. రైతులు, రైతుకూలీలు ఎదుర్కొంటున్న సమస్యలను పరిష్కరించేందుకు పోరాడతామన్నారు. రైతులు ఎదుర్కొంటున్న సమస్యలను పరిష్కరించాలని డిమాండ్ చేస్తూ తెలంగాణ జనసమితి ఆధ్వర్యంలో రాష్ట్రంలోని అన్ని జిల్లాకేంద్రాలలో రైతుదీక్ష శిబిరాలు నిర్వహిస్తున్నట్లు తెలిపారు. దేశస్వాతంత్య్రం కోసం మహాత్మాగాంధీ, అంటరానితనాన్ని నిర్మూలించి సమానత్వం కోసం డాక్టర్ బిఆర్ అంబేద్కర్ నిర్వహించిన పోరాటాల స్ఫూర్తితో ప్రజాసమస్యల పరిష్కారానికి తెలంగాణ జనసమితి పనిచేస్తుందని అన్నారు. రాష్ట్రంలో కుటుంబపాలన వలన ప్రజలు ఇబ్బందులకు గురతున్నారని, పరిపాలనను అన్నివర్గాలకు విస్తరింప చేయాల్సిన పాలకులు అందుకు విరుద్ధంగా వ్యవహరిస్తున్నారన్నారు. సమావేశంలో తెలంగాణ జనసమితి నాయకులు గోపగాని శంకర్‌రావు, మల్లెల రామనాధం, వల్లాల భరత్, శివప్రసాద్ తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.