రాష్ట్రీయం
కాంగ్రెసేతర నియోజకవర్గాలపై నివేదికలు ఇవ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 25: కాంగ్రెస్ పార్టీ అసెంబ్లీ ఎన్నికలకు రంగం సిద్ధం చేసుకుంటున్నది. అందులో భాగంగానే తమ పార్టీ ప్రాతినిథ్యం వహించని నియోజకవర్గాలపై దృష్టి సారిస్తున్నది. కాంగ్రేసేతర నియోజకవర్గాల రాజకీయ పరిస్థితులు ఏమిటీ?, అక్కడి ఇతర పార్టీల సిట్టింగ్ ఎమ్మెల్యేలపై ప్రజాభిప్రాయం ఎలా ఉంది?, ఆయా నియోజకవర్గాల్లో అభివృద్ధి, సంక్షేమ కార్యక్రమాలు ఎలా సాగుతున్నాయి?, పార్టీ బలం, బలహీనతలు ఏమిటీ? తదితర అంశాలపై సమగ్రంగా అధ్యయనం చేసి వెంటనే నివేదికలు అందజేయాలని ఏఐసీసీ ప్రధాన కార్యదర్శి, పార్టీ రాష్ట్ర వ్యవహారాల ఇన్‌ఛార్జీ ఆర్‌సీ కుంతియా, టీపీసీసీ అధ్యక్షుడు ఉత్తమ్‌కుమార్ రెడ్డి, ఏఐసీసీ కార్యదర్శి, తెలంగాణ ఇన్‌ఛార్జీ బోసు బాబు పార్టీ సమన్వయకర్తలను ఆదేశించారు. బుధవారం గాంధీ భవన్‌లో హైదరాబాద్, సికింద్రాబాద్, మల్కాజిగిరి, మెదక్, చేవె ళ్ళ పార్లమెంటు నియోజకవర్గాల పరిథిలోని అసెంబ్లీ నియోజకవర్గాల సమన్వయకర్తల సమావేశం జరిగింది. ఈ సమావేశంలో టీపీసీసీ కార్యనిర్వాహక అధ్యక్షుడు భట్టివిక్రమార్క, ఏఐసీసీ కార్యదర్శి శ్రీనివాస కృష్ణన్, కార్యదర్శి, మాజీ ఎంపీ వి. హనుమంత రావు, మాజీ మంత్రులు డీకె అరుణ, సబితా ఇంద్రారెడ్డి, పార్టీ నగర శాఖ అద్యక్షుడు, మాజీ ఎంపీ అంజన్‌కుమార్ యాదవ్, డీసీసీ అధ్యక్షులు పాల్గొన్నారు. ఈ సందర్భంగా ఉత్తమ్ ప్రసంగిస్తూ ఎల్‌డిఎంఆర్‌సి నియోజకవర్గాలు, సిట్టింగ్ ఎమ్మెల్యేలు ఉన్న నియోజకవర్గాలు మినహా మిగతా నియోజకవర్గాలకు పార్టీ తరపున సమన్వయకర్తలను నియమించినట్లు చెప్పారు. నియోజకవర్గాల్లో ప్రధానంగా ఏఐసీసీ కీలకంగా భావిస్తున్న శక్తి ఆప్ నమోదు కార్యక్రమాలు పెద్ద ఎత్తున చేపట్టాలని సూచించారు. నియోజకవర్గాల్లో సమావేశాలను నిర్వహించే సమయంలో ఆయా డీసీసీలకు సమాచారం ఇవ్వాలని, నిర్ణయించిన బాధ్యులందరినీ పిలిచి సమావేశాలు జరపాలని ఆయన వివరించారు. కుంతియా మాట్లాడుతూ ప్రభుత్వ వైఫల్యాలను, అక్కడి ఎమ్మెల్యేల పని తీరును పరిశీలించేందుకు సమన్వయకర్తలు తమకు కేటాయించిన నియోజకవర్గాల్లో వారం రోజుల పాటు మకాం వేయాలని ఆదేశించారు. తమకు కేటాయించిన బాధ్యతలను నిర్వహించడంలో జాగ్రత్తగా ఉండాలని సూచించారు. మీరు ఇచ్చే నివేదికలు పార్టీని మరింత బలోపేతం చేసేందుకు ఉపయోగపడతాయని కుంతియా చెప్పారు.
ఏఐసీసీ ఇన్‌ఛార్జీ కార్యదర్శి బోసు బాబు ప్రసంగిస్తూ పోలింగ్ కేంద్రం స్థాయి నుంచి బ్లాక్ వరకు కమిటీలను వెంటనే పూర్తి చేయాలని సూచించారు. పోలింగ్ కేంద్రం స్థాయి ఎజెంట్ల నియామకాలను వెంటనే చేపట్టాలని, అదేవిధంగా మండలాల సమావేశాలు, ఎగ్జిక్యూటివ్ సమావేశాలను నిర్వహించాలని అన్నారు. నియోజకవర్గాల్లో ప్రజలు ఎదుర్కొంటున్న ప్రధాన సమస్యలను గుర్తించాలని, అక్కడి అధికార పార్టీ ఎమ్మెల్యేల పని తీరును గమనించి నవేదకల్లో పేర్కొనాలని అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.