రాష్ట్రీయం
ఉత్కృష్ట విద్యాసంస్థలకు వెయ్యి కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 30: దేశవ్యాప్తంగా ఆరు విశ్వవిద్యాలయాలకు ఉత్కృష్ట విద్యాసంస్థల హోదా లభించింది. కనీసం 20 విద్యాసంస్థలను ఎంపిక చేసి వాటి అభివృద్ధికి వెయ్యి కోట్లు ఇవ్వాలని కేంద్ర మానవ వనరుల మంత్రిత్వ శాఖ నిర్ణయించింది. అయితే ఈ పోటీలో తెలుగు రాష్ట్రాలకు చెందిన ఏ విశ్వవిద్యాలయం కనీసం దరిదాపులలో లేదు. దేశవ్యాప్తంగా 800 విశ్వవిద్యాలయాలు ఉన్నాయి. వాటిలో కనీసం 50 విశ్వవిద్యాలయాలను అంతర్జాతీయ స్థాయి వర్శిటీలుగా తీర్చిదిద్దేందుకు కేంద్రం ప్రణాళిక రచించింది. ఎంపిక చేసిన వర్శిటీలకు ఇనిస్టిట్యూట్ ఆఫ్ ఇమినెన్స్ హోదా కల్పిస్తారు. ఈ హోదా పొందిన యూనివర్శిటీలకు అన్ని విషయాల్లో పూర్తి స్వేచ్ఛను, స్వాతంత్య్రాన్ని ఇస్తారు. ప్రధానంగా ఈ వర్శిటీలు అంతర్జాతీయ ఖ్యాతి గడించిన వర్శిటీలతో సమానంగా పరిశోధన, అభివృద్ధి రంగాల్లో ముందంజ వేసేందుకు సాంకేతికంగా ఉన్న అనుమతుల సమస్యల నుండి వాటికి విముక్తం చేస్తారు. మాజీ ఎన్నికల కమిషనర్ ఎన్ గోపాలస్వామి, సౌత్ ఏషియా ఇనిస్టిట్యూట్ ఆఫ్ హార్వర్డు యూనివర్శిటీ డైరెక్టర్ ప్రొఫెసర్ తరుణ్ ఖన్నా, యూనివర్శిటీ ఆఫ్ హోస్టన్ అధ్యక్షురాలు రేణు కఠార్ , ఐఐఎం లక్నో మాజీ డైరెక్టర్ ప్రీతం సింగ్‌ల అధ్యక్షతన వేసిన కమిటీ ఇమినెన్స్ యూనివర్శిటీల ఎంపికకు నియమించారు. ఇందుకోసం 114 దరఖాస్తులు వచ్చాయి. అందులో 74 దరఖాస్తులు ప్రభుత్వ యూనివర్శిటీల నుండి రాగా, 40 దరఖాస్తులు ప్రైవేటు యూనివర్శిటీల నుండి మరో 11 గ్రీన్‌ఫీల్డు ప్రాజెక్టుల నుండి వచ్చాయి. ఈ సందర్భంగా ఈ యూనివర్శిటీలు విద్యాత్మక ప్రణాళిక, ఫ్యాకల్టీ రిక్రూట్‌మెంట్ ప్రణాళిక, విద్యార్ధుల అడ్మిషన్ల ప్రణాళిక, పరిశోధన ప్రణాళిక, నెట్‌వర్కింగ్ ప్రణాళిక, వౌలిక సదుపాయాల ప్రణాళిక, ఆర్ధిక ప్రణాళిక, పరిపాలనా ప్రణాళిక, సుపరిపాలన ప్రణాళిక, లక్ష్యాలను కూడా సూచించాల్సి ఉంటుంది. ఈ క్రమంలో కమిటీ ఆరు విద్యాసంస్థలను ఎంపిక చేసింది. అందులో ఐఐటి ముంబై, ఐఐటి ఢిల్లీ, ఐఐఎస్‌సి బెంగలూరు , ప్రైవేటు రంగం నుండి పూనేలో ఏర్పాటు చేస్తున్న జియో ఇనిస్టిట్యూట్, బిట్స్ పిలానీ , మణిపాల్ విద్యాసంస్థలున్నాయి. సైమండ్స్ క్వాకరెల్ సంస్థ సర్వే ప్రకారం ఐఐటి ముంబై ప్రపంచ సంస్థల్లో 162వ స్థానంలో ఉండగా, ఐఐఎస్‌సీ 170, ఐఐటి ఢిల్లీ 172, మణిపాల్ 751-800 రేంజ్‌లో, బిట్స్ పిలానీ 801-1000 రేంజ్‌లో ఉన్నాయి. ఈ విద్యాసంస్థల ఫీజులను బోర్డు ఖరారు చేస్తుంది, దీనికి ప్రభుత్వ అనుమతి అవసరం లేదు, అదే విధంగా విదేశీ విద్యార్ధులను ఆకర్షించేందుకు కూడా సొంతంగా ప్రణాళికలు రచించవచ్చు, సీట్లు పొందిన విద్యార్థులకు ఆర్థిక ఇబ్బందులున్నట్టయితే వారికి బ్యాంకుల ద్వారా రుణసౌకర్యం కల్పిస్తారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.