రాష్ట్రీయం
కాపు రిజర్వేషన్లపై జగన్ వైఖరి ఏమిటి?
S ,7 à 8 RSCA (si SASPAS) et 6 cialis pharmacie cialis rapports de stage.
కొత్తపేట, జూలై 30: కాపులను బీసీల్లో చేర్చే విషయంలో జగన్ ఏ విధమైన వైఖరితో ఉన్నారో మరోసారి స్పష్టంచేయాలని ఉప ముఖ్యమంత్రి, హోం మంత్రి నిమ్మకాయల చినరాజప్ప డిమాండ్‌చేశారు. కాపులకు రిజర్వేషన్లు ఇవ్వలేమని జగ్గంపేట సభలో జగన్ కచ్చితంగా చెప్పారని, దానిని తెలుగుదేశం వక్రీకరిస్తోందని వైసీపీ నేతలు అనడం హాస్యాస్పదంగా ఉందన్నారు. అందువల్ల ఆ మాటలను తాను అనలేదనో లేదా కాపులకు న్యాయం చేస్తాననో, కాపుల రిజర్వేషన్‌కు కట్టుబడి ఉన్నాననో జగన్ స్పష్టం చేయాలన్నారు. తూర్పు గోదావరి జిల్లా కొత్తపేట మండలం వాడపాలెంలో సోమవారం ఆయన విలేఖర్లతో మాట్లాడారు. కాపుల రిజర్వేషన్లపై ప్రస్తుతం పలు వ్యాఖ్యలు చేస్తున్న మాజీ మంత్రి బొత్స సత్యనారాయణ వైఎస్ రాజశేఖరరెడ్డి కేబినెట్‌లో మంత్రిగా ఉండి, రిజర్వేషన్ల కల్పనకు అవసరమైన కాపుల స్థితిగతులపై సర్వేకు నాడు రూ.40 లక్షలు విడుదలచేయించలేకపోయారని వ్యాఖ్యానించారు. ఆనాటి కాంగ్రెస్ ఎన్నికల మేనిఫెస్టోలో కాపులను బీసీల్లో చేరుస్తామని హామీయిచ్చి అధికారంలోకి వచ్చారనే విషయం బొత్స మర్చిపోయారా అని చినరాజప్ప ప్రశ్నించారు. రిజర్వేషన్లు 50 శాతం దాటితే కష్టమని తెలుసని, కానీ కాపుల రిజర్వేషన్లపై శాసన సభలో తీర్మానం చేసి కేంద్రంతో పోరాడి సాధిస్తామని తాము చెప్పామన్నారు. అదేవిధంగా తీర్మానంచేసి కేంద్రానికి పంపించామన్నారు. ఏదేమైనా కాపులకు రిజర్వేషన్ల విషయంలో ముఖ్యమంత్రి చంద్రబాబు ఇచ్చిన మాటకు కట్టుబడి ఉన్నారని చినరాజప్ప స్పష్టం చేశారు. విలేఖర్ల సమావేశంలో మాజీ ఎమ్మెల్యే బండారు సత్యానందరావు తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.