రాష్ట్రీయం
క్వారీలో భారీ పేలుడు
S ,7 à 8 RSCA (si SASPAS) et 6 cialis pharmacie cialis rapports de stage.
ఆదోని, ఆగస్టు 3: కర్నూలు జిల్లా ఆలూరు మండలంలో క్వారీలో భారీ పేలుడు సంభవించి 10 మందికి కూలీలు మృతి చెందారు. మరో 20 మందికి తీవ్రగాయాలయ్యాయి. పేలుడు తీవ్రతకు మంటలు భారీగా ఎగసిపడ్డాయి. మంటల్లో కాలిన వారిని చికిత్స నిమిత్తం ఆదోని ఆసుపత్రికి తరలించారు. మృతుల సంఖ్య పెరిగే అవకాశాలు ఉన్నాయి. ఈ సంఘటన ఆలూరు మండలం హత్తిబెళగల్ గ్రామ శివారులోని కొండల్లో శుక్రవారం రాత్రి జరిగింది. కంకర కోసం కొండపై ఉన్న బండరాళ్లు పేల్చేందుకు అమర్చిన జెలెటిన్ స్టిక్స్ ఒక్కసారిగా అంటుకోవడంతో భారీ పేలుడు సంభవించింది. పేలుడు తీవ్రతకు చుట్టుపక్కల గ్రామాల్లోని ఇళ్లకు బీటలు బారాయి. దీంతో ప్రాణభయంతో జనం ఇళ్ల నుంచి పరుగులు తీశారు. ప్రత్యక్షసాక్షుల కథనం ప్రకారం వివరాలు ఇలా ఉన్నాయి. ఆలూరు మండలం హత్తిబెగళల్ గ్రామానికి 2 కిలోమీటర్ల దూరంలోని కొండల్లో కంకర కోసం క్వారీ నిర్వహిస్తున్నారు. ఒడిశా, ఛత్తీస్‌ఘడ్ రాష్ట్రానికి చెందిన కార్మికులు ఇక్కడ పనిచేస్తున్నారు. శుక్రవారం రాత్రి 8.30 గంటల ప్రాంతంలో కొండలో బండరాళ్లు పేల్చేందుకు సుమారు 30 మంది కార్మికులు జెలిటిన్ స్టిక్స్ అమర్చారు. అయితే ప్రమాదవశాత్తు అన్నీ ఒకేసారి అంటుకోవడంతో భారీ పేలుడు సంభవించింది. దీంతో పెద్దఎత్తున మంటలు చెలరేగాయి. మంటల్లో చిక్కుకుని 10 మంది కార్మికులు అక్కడికక్కడే ప్రాణాలు విడిచారు. మిగతా వారు తీవ్రంగా గాయపడ్డారు. ఒళ్లు కాలి కొందరు, కాళ్లూచేతులు కాలి మరికొందరు కొండల్లో చెల్లాచెదురుగా పడిపోయారు. మంటల తీవ్రతకు క్వారీలో కార్మికుల కోసం వేసిన షెడ్లు సైతం తగులబడ్డాయి. క్వారీకి చెందిన లారీ, మూడు ట్రాక్టర్లు తగులబడ్డాయి. భారీ పేలుడు శబ్దం హత్తి బెళగల్, కురవళ్లి, మొలగళ్లి, అగ్రహారం గ్రామాల్లోని వారికి వినిపించింది. భూకంపం వచ్చిందని భావించి అంతా ప్రాణభయంతో ఇళ్లనుంచి పరుగులు తీశారు. పేలుడు తీవ్రతకు ఆయా గ్రామాల్లోని ఇళ్ల గోడలు బీటలువారాయి. అయితే దూరంగా మంటలు రావడంతో క్వారీలో ప్రమాదం జరిగినట్లు తెలుసుకుని అక్కడికి పరుగులు తీశారు. విషయం తెలియగానే ఆలూరుకు చెందిన అగ్నిమాపక సిబ్బంది హుటాహుటిన సంఘటనాస్థలానికి చేరుకుని సహాయక చర్యలు చేపట్టారు. మంటలను అదుపులోకి తెచ్చేందుకు ప్రయత్నించారు. క్షతగాత్రులను ఆలూరు, ఆదోని ఆసుపత్రికి తరిలించారు. ఈ క్వారీకి ఎలాంటి అనుమతి లేదని తెలుస్తోంది. ఆదోనికి చెందిన శ్రీనివాసచౌదరి ఆధ్వర్యంలో క్వారీ నిర్వహిస్తున్నట్లు సమాచారం. మృతులంతా ఇతర రాష్ట్రాలకు చెందినవారు కావడంతో వారి పూర్తి వివరాలు తెలియరాలేదు. ఆదోని, ఆలూరు పోలీసులు సంఘటనాస్థలానికి చేరుకుని ప్రమాదంపై ఆరా తీస్తున్నారు. ప్రమాదం మృతులు పెరిగే అవకాశం ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.