రాష్ట్రీయం
శ్రీవారి సేవలో శ్రీలంక ప్రధాని
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, ఆగస్టు 3: తిరుమల శ్రీవేంకటేశ్వరస్వామిని శ్రీలంక ప్రధానమంత్రి రాణిల్ విక్రమ్ సింఘే, సతీమణి ప్రొఫెసర్ మైత్రి విక్రమ్‌సింఘే దంపతులు శుక్రవారం ఉదయం విరామ సమయంలో దర్శించుకున్నారు. శ్రీవారి దర్శనార్థం ఆలయ మహద్వారం వద్దకు చేరుకున్న సింఘే కుటుంబ సభ్యులకు ఆలయ సంప్రదాయం ప్రకారం ఆలయ అర్చకులు, అధికారులు ఇస్తికపాల్ స్వాగతం పలికి ఆలయంలోనికి ఆహ్వానించారు. అనంతరం స్వామివారి మూలమూర్తిని దర్శించుకున్నారు. దర్శనానంతరం ధ్వజస్థంభానికి నమస్కరించిన రంగనాయకమండపం చేరుకున్నారు. అక్కడ వేదపండితులు వేద ఆశీర్వచనం చేయగా, జేఈవో శ్రీనివాసరాజు శ్రీవారి చిత్రపటం, తీర్థప్రసాదాలను అందజేశారు. దర్శనానంతరం ఆలయం వెలుపల ఆయన విలేఖరులతో మాట్లాడుతూ తాను, తన కుటుంబసభ్యులు రెగ్యులర్‌గా తిరుమల శ్రీవారి దర్శనం కోసం వస్తుంటామన్నారు. ఇప్పుడు భారత పర్యటన కోసం ఏర్పాటు చేయించిన భారతప్రభుత్వానికి తన ప్రోటోకాల్ కోసం ఒక మంత్రిని ఏర్పాటు చేసి కన్నులారా స్వామివారిని దర్శించుకునే అవకాశం కల్పించిన రాష్ట్రప్రభుత్వం, టీటీడీకి ఆయన ధన్యవాదాలు తెలిపారు. తమిళనాడు రాష్ట్ర మాజీ ముఖ్యమంత్రి కరుణానిధి త్వరగా కోలుకోవాలని, ఆరోగ్యంగా ఉండాలని ఆయన ఆరోగ్య పరిస్థితులపై స్టాలిన్, కనిమొళిలతో ఫోన్ ద్వారా గురువారం మాట్లాడానన్నారు. శ్రీలంకభారత్ ప్రభుత్వాల పరస్పర సహకారంతో డీప్‌సీ పిషర్‌మెన్ సమస్య సానుకూలంగా పరిష్కారం అయ్యిందన్నారు. యునైటెడ్ నేషన్స్ సెక్యూరిటీ కౌన్సిల్‌లో భారతదేశ సభ్యత్వానికి శ్రీలంక దేశం తరపున తాము సానుకూలంగా ఉన్నామన్నారు. ఆయన వెంట ఆంధ్రప్రదేశ్ ప్రభుత్వం తరపున మైనింగ్ శాఖామంత్రి సుజయకృష్ణా రంగరావు, తిరుమల జే ఈ వో శ్రీనివాసరాజు, ప్రోటోకాల్ అదనపు సెక్రటరీ కల్నల్ అశోక్‌బాబు, డీ ఐ జీ ప్రభాకర్‌రావు, అర్బన్ ఎస్పీ అభిషేక్ మహంతి, జిల్లా అధికారులు ఉన్నారు. అనంతరం ఆయనకు రేణిగుంట విమానాశ్రయంలో మంత్రి రంగారావు, కలెక్టర్ ప్రద్యుమ్న తదితరులు వీడ్కోలు పలికారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.