రాష్ట్రీయం
తెలంగాణలో పొత్తుల కలకలం
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, ఆగస్టు 3: టీఆర్‌ఎస్‌ను ఓడించేందుకు ఏ పార్టీతోనైనా పొత్తు పెట్టుకుంటామని టీడీపీ పొలిట్‌బ్యూరో సభ్యుడు నామా నాగేశ్వరరావు చేసిన వ్యాఖ్యలు సంచలనం కలిగించాయి. ఇప్పటికే కాంగ్రెస్, తెలుగుదేశం పార్టీలు కలిసి పోటీ చేస్తాయని విస్తృతంగా ప్రచారం జరుగుతున్న నేపథ్యంలో నామా వ్యాఖ్యలు ప్రాధాన్యతను సంతరించుకున్నాయి. టీడీపీ అధినేత చంద్రబాబునాయుడుకు అత్యంత సన్నిహితుడిగా పేరున్న నామా.. కాంగ్రెస్ పార్టీ వర్కింగ్ ప్రెసిడెంట్ మల్లు భట్టివిక్రమార్కతో కలిసి పాల్గొన్న సభలో ఈ వ్యాఖ్యలు చేయడం విశేషం. తెలంగాణ రాష్ట్రంలో తెలుగుదేశం పార్టీ బలోపేతమయ్యేందుకు ఆ పార్టీ అగ్రనేతలు వ్యూహరచన చేస్తున్న నేపథ్యంలో నామా వ్యాఖ్యలు ఆ పార్టీ శ్రేణుల్లో ఉత్సాహాన్ని నింపాయి. ప్రధానంగా తెలంగాణ రాష్ట్రంలో అధికార టీఆర్‌ఎస్‌లో ఉన్న వారంతా మాజీ తెలుగుదేశం నేతలేనని, వారు పార్టీకి నష్టం చేకూర్చారని, వచ్చే ఎన్నికల్లో వారికి తగిన గుణపాఠం చెప్పాల్సిన అవసరం ఉందని టీడీపీ శ్రేణులకు ఆ పార్టీ నేతలు నూరిపోస్తున్నారు. కాంగ్రెస్‌తో పొత్తు ఉంటుందని పరోక్షంగా నామా చెప్పడం, ఆయా గ్రామాల్లో ఇరు పార్టీల నేతలు తమ పాత వైరాన్ని మరిచి కలిసిపోవడం అధికార పార్టీకి ఇబ్బందిగా మారుతున్నది. ఇదిలా ఉండగా నామా నాగేశ్వరరావు పార్టీ మారుతారని జరిగిన ప్రచారానికి ఈ వ్యాఖ్యలతో ఫుల్‌స్టాప్ పడింది. కాంగ్రెస్ నేతలతో ఆయన సన్నిహితంగా ఉంటున్నారని, ఆయన పార్టీ మారి ఖమ్మం నుంచే పోటీ చేస్తారని విస్తృతంగా ప్రచారం జరిగింది. అయితే దానిపై నోరు మెదపని నామా మధిర నియోజకవర్గంలో భట్టివిక్రమార్కతో కలిసి పాల్గొన్న సమావేశంలో టీఆర్‌ఎస్‌ను ఓడించేందుకు ఏ పార్టీతోనైనా జత కట్టేందుకు వెనుకాడబోమని చెప్పడం ఆ పార్టీ వైఖరిని తెలియజేస్తుంది. ఇదే సభలో పాల్గొన్న భట్టివిక్రమార్క తెలుగుదేశం పార్టీ విధానాలను ప్రస్తావించకుండా టీఆర్‌ఎస్ ప్రభుత్వ వైఖరిపై విమర్శలు చేయడం గమనార్హం. ఈ పరిణామాల నేపథ్యంలో నామా తిరిగి ఖమ్మం పార్లమెంటు స్థానానికి టీడీపీ అభ్యర్థిగానే కాంగ్రెస్ మద్దతుతో పోటీ చేస్తారని ఆ పార్టీ శ్రేణులు బాహటంగానే పేర్కొంటున్నారు. అయితే ఇనే్నళ్ళు ఖమ్మం జిల్లాలో పార్టీకి పెద్దదిక్కుగా ఉన్న సత్తుపల్లి ఎమ్మెల్యే సండ్ర వెంకటవీరయ్య పార్టీ విధానాలపై ఇంతవరకు ఎక్కడా మాట్లాడకపోవడంపై కొన్ని అనుమానాలు వ్యక్తమవుతున్నప్పటికీ ఆ పార్టీ శ్రేణులు మాత్రం ఐక్యంగా పోటీ చేసేందుకే ఆసక్తి చూపుతుండటం గమనార్హం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.