రాష్ట్రీయం
ప్రేమ ‘పగ’
S ,7 à 8 RSCA (si SASPAS) et 6 cialis pharmacie cialis rapports de stage.
రేణిగుంట, ఆగస్టు 4: తాను ప్రేమిస్తున్న అమ్మాయిని తన స్నేహితుడు ప్రేమిస్తుండటం భరించలేక క్లాస్‌మేట్ అనే విషయం కూడా మరచి దారుణంగా గొంతు,నాలుక కోసివేసిన దారుణ సంఘటన సోమవారం చిత్తూ రు జిల్లా గాజులమండ్యం ప్రాంతంలో జరిగింది. ఈ దురాగతాన్ని అడ్డుకునేందుకు ప్రయత్నించిన మరో విద్యార్థి కత్తిపోట్లుకు గురైయ్యాడు. గాజులమండ్యం పోలీసుల కథనం మేరకు వివరాలు ఇలా ఉన్నాయి. తిరుపతి రూరల్, రామచంద్రాపురం మండలం గంగిరెడ్డి పల్లికి చెందిన జానకిరామిరెడ్డి అలియాస్ జాని (19), గాజుల మండ్యంకు చెందిన వంశీ రాయల్ (19) కరకంబాడి రోడ్డులోని శ్రీరామ ఇంజినీరింగ్ కళాశాలలో సివిల్ ఇంజనీరింగ్ రెండో సంవత్సరం చదువుతున్నారు. వీరితోపాటు చదువుతున్న ఓ ఇంజినీరింగ్ విద్యార్థినిని ఇద్దరూ ప్రేమిస్తున్నారు. అయితే వంశీరాయల్ ఆ అమ్మాయి తననే ప్రేమించాలని, తమ ప్రేమకు అడ్డురావద్దంటూ జానకిరామ్‌ను పలుసార్లు హెచ్చరించాడు. అలాగే ఘర్షణ కూడా పడ్డాడు. కళాశాల లోపల, బయట తరచూ ఇద్దరు ఘర్షణలు పడేవారు. కాగా సోమవారం వంశీరాయల్ గాజులమండ్యం సమీపంలోని ఖాళీ ప్రదేశాల్లో క్రికెట్ పోటీ జరుగుతుందని, రమ్మని జానీని పిలిచాడు. జాని తన
మిత్రుడు ఢిల్లీతో కలసి సోమవారం ఉదయం క్రికెట్ ఆడే స్థలానికి చేరుకున్నారు. అయితే క్రికెట్ ఆడటానికి ముందే వంశీరాయల్, జానకిరామిరెడ్డి మధ్య ప్రేమించిన అమ్మాయి విషయమై వాగ్వివాదం మొదలైంది. అయితే వంశీరాయల్ తన వద్ద ఉన్న కత్తితో జానకిరామి రెడ్డి నాలుక పట్టుకుని కోసేశాడు. అంతటితో ఆగకుండా అతని గొంతు కోశాడు. దీనిని గమనించిన ఢిల్లీ వంశీరాయల్‌ను అడ్డుకునేందుకు ప్రయత్నించగా కత్తితో అతని భుజంపైన పొడిచి, ముఖంపైన కత్తితో గాయం చేశాడు. దీంతో భయకంపితుడైన ఢిల్లీ వారి నుంచి తప్పించుకుని రోడ్డుపైకి పరుగులు తీశాడు. గాయాలతో పరుగులు తీస్తున్న ఢిల్లీని స్థానికులు విచారించడంతో జరిగిన దారుణాన్ని వారికి వివరించాడు. సంఘటనా స్థలానికి చేరుకున్న స్థానికులు 108లో జానీని, ఢిల్లీని రుయాకు తరలించారు. జానీ చికిత్స పొందుతూ మృతిచెందాడు. అయితే అప్పటికే వంశీరాయల్, అతని అనుచరులు 10 మంది అక్కడ నుంచి పారిపోయారు. కాగా వంశీరాయల్ ముందుగా వేసుకున్న పథకం ప్రకారమే జానీని అక్కడకు రప్పించి హత్య చేసి ఉంటాడని భావిస్తున్నారు. తిరుపతిలో సీ ఎం జ్ఞానభేరి కార్యక్రమంలో ఉండటంతో పోలీసులు బందోబస్తులో ఉండటంతో నిందితులు సులభంగా తప్పించుకున్నారని అంటున్నారు. జరిగిన దారుణం తెలుసుకుని జానీ చదువుతున్న కళాశాల విద్యార్థులు పెద్ద ఎత్తున రుయా మార్చురీ వద్దకు చేరుకున్నారు. గాయాలకు గురైన ఢిల్లీని పోలీసులు విచారిస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.