రాష్ట్రీయం
నిబంధనలకు నీళ్లు
S ,7 à 8 RSCA (si SASPAS) et 6 cialis pharmacie cialis rapports de stage.
ఆదోని, ఆగస్టు 4: కర్నూలు జిల్లాలో 10 మంది కార్మికుల ప్రాణాలు బలిగొన్ని క్వారీలో బ్లాసింగ్‌కు అనుమతి లేదని తెలిసింది. అనుమతి లేకుండానే ఇక్కడ అక్రమంగా బ్లాస్టింగ్ నిర్వహిస్తున్నట్లు సమాచారం. దీంతో అమాయకులైన కార్మికులు ప్రాణాలు కోల్పోవాల్సి వచ్చింది. బెంగళూరు, చెన్నై తదితర ప్రాంతాల నుండి బ్లాస్టింగ్ చేసే కంపెనీలు వచ్చి రాళ్లు పగులగొట్టాల్సి ఉంది. అయితే ఈ క్వారీలో యాజమాన్యం ఎలాంటి రక్షణ చర్యలు తీసుకోకుండా రేకుల షెడ్డులో జిలెటెన్ స్టిక్స్ నిల్వ ఉంచి కార్మికులతో బ్లాస్టింగ్ పనులు చేయిస్తున్నట్లు తెలుస్తోంది. అక్కడే కూలీల కోసం మరో షెడ్డు వేసి నివాసం ఏర్పాటు చేయడం గమనార్హం. క్వారీ కోసం యజమానికి ప్రభుత్వం కేవలం రెండున్నర హెక్టర్ల భూమి కేటాయించగా అక్రమంగా ఏడున్నర హెక్టార్లలో నిర్వహిస్తున్నట్లు తెలుస్తోంది. కర్నూలు జిల్లా ఆలూరు మండలం హత్తిబెళగల్ గ్రామం సమీపంలో శుక్రవారం జరిగిన క్వారీలో పేలుడుకు యాజమాన్యం నిర్లక్ష్యం, సరైన రక్షణ చర్యలు తీసుకోకపోవడమే కారణమని తెలుస్తోంది. దీంతో పొట్టచేత పట్టుకుని ఒడిస్సా, జార్ఖండ్ నుండి వచ్చిన కూలీలు బలయ్యారు. క్వారీలో ఎలాంటి ముందస్తు చర్యలు తీసుకోకపోవడం, ప్రమాదం జరిగినపుడు ప్రాథమిక చికిత్స అందించేందుకు సైతం ఎలాంటి ఏర్పాట్లు చేయలేదని తెలుస్తోంది. అందువల్లే శుక్రవారం జరిగిన భారీ పేలుడులో పది మంది కార్మికులు ప్రాణాలు కోల్పోవాల్సి వచ్చింది. బ్లాస్టింగ్ జరిగిన క్వారీకి అగ్రహారం, హత్తిబెళగల్ గ్రామాలు దగ్గర్లో ఉన్నాయి. క్వారీలో పేలుళ్లు నిర్వహిస్తే గ్రామాలకు ప్రమాదమని తెలిసినా రెవెన్యూ, గనులశాఖ, అగ్నిమాపకశాఖ అధికారులు ఎలా అనుమతి ఇచ్చారని ప్రజలు ప్రశ్నిస్తున్నారు. క్వారీలో పేలుళ్ల వల్ల తమ ఇండ్లు బీటలు బారుతున్నాయని హత్తిబెళగల్ గ్రామస్థులు నాలుగేళ్లుగా ఆందోళన వ్యక్తం చేస్తున్నారు. క్వారీని మూసివేయించాలని జన్మభూమి, గ్రామదర్శినిలో అధికారులకు ఫిర్యాదు చేసినా ఫలితం లేకుండాపోయింది. క్వారీ యజమానికి ప్రతిపక్ష, అధికారపక్ష నాయకుల అండదండలు ఉండడం వల్లే క్వారీ వైపు ఎవరూ కనె్నత్తచూడడం లేదన్న ఆరోపణలు ఉన్నాయి. ఇప్పటికైనా ప్రభుత్వం స్పందించి క్వారీని మూసివేయాలని అగ్రహారం, హత్తిబెళగల్, కురవళ్లి, ఆలూరు ప్రజలు కోరుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.