రాష్ట్రీయం
ఆర్‌ఎస్‌ఎస్ అజెండాను అమలుచేస్తున్న బీజేపీ
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం, ఆగస్టు 4: కేంద్రంలోని బీజేపీ ప్రభుత్వం ఆర్‌ఎస్‌ఎస్ అజెండాను అమలు చేస్తోందని ఎస్సీ, ఎస్టీ కమిషన్ ఛైర్మన్ కారెం శివాజీ ఆరోపించారు. ఎస్సీ, ఎస్టీ యాక్టును రక్షించేందుకు అవసరమైతే ప్రాణాలర్పిస్తానని పేర్కొన్నారు. తూర్పుగోదావరి జిల్లా రాజమహేంద్రవరం ఆర్ అండ్ బి అతిథి గృహంలో శనివారం విలేఖరుల సమావేశంలో ఆయన మాట్లాడారు. బీజేపీ అధికారంలోకి వచ్చిన తర్వాత ఆర్‌ఎస్‌ఎస్ అజెండాను అమలు చేస్తోందన్నారు. ఈ నాలుగేళ్ల కాలంలో ఎస్సీ, ఎస్టీలపై దాడులు పెరిగిపోయాయన్నారు. ఎస్సీ, ఎస్టీలకు రక్షణ కవచమైన అట్రాసిటీ యాక్టును బీజేపీ కావాలనే నిర్వీర్యం చేస్తోందని ఆరోపించారు. ఎస్సీ, ఎస్టీ అట్రాసిటీ యాక్టును యధాతథంగా తేవాలని, ఇందుకు ఆర్డినెన్స్‌ను ఈ నెల 10లోగా కేంద్రం తీసుకురావాలని డిమాండ్ చేశారు. ఈ చట్టాన్ని యధాతధ పరిస్థితి కోసం ఈ నెల 9వ తేదీన భారత్ బంద్‌లోగా ఆర్డినెన్స్‌ను తేవాలన్నారు. ఈ చట్టం విషయంలో ముందస్తు బెయిల్, 30 రోజుల్లోపు అరెస్టు, స్టేషన్ బెయిల్ ఇవ్వకపోవడం వంటివాటితో పాటు ఈ చట్టం యధాతధంగా అమలు చేసే విధంగా చర్యలు తీసుకోవాలన్నారు. ఈ చట్టం అమలుకు రెవెన్యూ, న్యాయ, పోలీసు శాఖల్లో అవసరమైన మార్పులు చేయాలన్నారు. ఈ చట్టాన్ని యధాతధంగా అమలు చేయాలని డిమాండ్ చేస్తూ ఈ నెల 8వ తేదీన రాజమహేంద్రవరం స్థానిక గోకవరం బస్టాండ్ సమీపంలో అంబేద్కర్ విగ్రహం నుంచి కొవ్వూరులోని అంబేద్కర్ విగ్రహం వరకు నిరసన ర్యాలీ నిర్వహించనున్నట్టు ఛైర్మన్ కారెం శివాజీ తెలిపారు. ఈ నిరసన ర్యాలీలో మంత్రులు నక్కా ఆనందబాబు, జవహర్, ఆర్టీసీ ఛైర్మన్ వర్ల రామయ్య తదితరులు పాల్గొంటారని చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.