రాష్ట్రీయం
దశాబ్దాలుగా ఇదే తీరు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఉమ్మడి రాష్ట్రంలో 1956 నుంచి విభజన జరిగేంతవరకు తెలంగాణలో ఆదాయం ఎక్కువగా ఉండగా, ఆంధ్రలో ఎక్కువ వ్యయం చేశారని సామాజిక ఆర్థిక సర్వే 2016లో పేర్కొన్నారు. సాధారణంగా నష్టాల్లో ఉన్న కంపెనీలు కాయకల్ప చికిత్స తరువాత లాభాల బాట పడుతుంటాయి. ఉజ్వలమైన భవిష్యత్తు ఉన్న ఇలాంటి కంపెనీలను స్టాక్ మార్కెట్ పరిభాషలో టర్న్‌డ్ అరౌండ్ కంపెనీలు అంటారు. ఆదాయం ఎక్కువ, వ్యయం తక్కువ ఉండడం వల్ల దెబ్బతిన్న తెలంగాణ ఇప్పుడు తన ఆదాయాన్ని తానే వ్యయం చేసుకునే పరిస్థితులు ఉండడంతో తెలంగాణ ఆర్థిక పరిస్థితిని టర్న్‌డ్ అరౌండ్ అని సోషియో ఎకనమిక్ ఔట్ లుక్ 2016 పేర్కొంది. తెలంగాణ ఉద్యమకాలంలో అధికారంలో ఉన్న టిడిపి, కాంగ్రెస్ ప్రభుత్వాలు తెలంగాణకు పెద్దపీట, తెలంగాణలోనే ఎక్కువ నిధులు వ్యయం చేస్తున్నాం అని చెప్పేవి. కానీ వాస్తవంగా దీనికి భిన్నంగా జరిగింది. తెలంగాణ నుంచి వచ్చిన ఆదాయం కన్నా వ్యయం తక్కువ చేసి ఆంధ్రలో వచ్చిన ఆదాయం కన్నా అక్కడే ఎక్కువ ఖర్చు చేశారు. 2004-05 నుంచి 2012-13 వరకు 14వ ఆర్థిక సంఘం తెలంగాణలోని పది జిల్లాల వివరాల సేకరించింది. ఆదాయం తెలంగాణలో ఎక్కువ ఉంటే ఖర్చు మాత్రం ఆంధ్రలో ఎక్కువ చేశారని తేల్చారు. ఆర్థిక సంఘం వివరాలు సేకరించిన 2004-05నుంచి 2012-13 వరకు తెలంగాణలోని పది జిల్లాల్లో ఆదాయం 49.5 శాతం అయితే వ్యయం చేసింది మాత్రం 38.5 శాతమే. ఇక ఆంధ్రప్రదేశ్‌లోని ఆంధ్ర, రాయలసీమలో ఈ కాలానికి మొత్తం రాష్ట్ర ఆదాయంలో 50.5శాతం ఈ ప్రాంతం నుంచి ఉంటే ఖర్చు చేసింది మాత్రం 61.5 శాతం. తెలంగాణ నుంచి వచ్చిన అదనపు రెవెన్యూను ఆంధ్రలో ఖర్చు చేశారు. 1956 నుంచి 2014 వరకు ఇలా జరిగినట్టు సామాజిక ఆర్థిక సర్వే పేర్కొంది. 1955-57 నుంచి 1967-68 వరకు తెలంగాణలో ఆదాయం 41.7శాతం అయితే వ్యయం మాత్రం 36.8శాతం. ఇక ఆంధ్రలో ఈ కాలానికి ఆదాయం 58.3శాతం అయితే వ్యయం 63.2శాతం చేశారు. 2004-05 నుంచి 2012-13 వరకు తెలంగాణలో ఆదాయం 49.5శాతం అయితే వ్యయం 38.5 శాతం. ఆంధ్రలో ఇదే కాలానికి ఆదాయం 50 శాతం కాగా, వ్యయం 61.5శాతం. 1956లో హైదరాబాద్ రాష్ట్రాన్ని ఆంధ్రలో విలీనం చేసిన సంవత్సరం తెలంగాణలో రెవెన్యూ మిగులు ఉండేది. 2014లో తెలంగాణ ఆవిర్భావం తరువాత తొలి బడ్జెట్‌లో తెలంగాణ రెవెన్యూ మిగులు రాష్ట్రంగా నిలిచింది. ఈ సంవత్సరం కూడా తెలంగాణ మిగులు బడ్జెట్ రాష్ట్రంగా రికార్డు సృష్టించింది. దేశంలో గుజరాత్, తెలంగాణ మాత్రమే రెవెన్యూ మిగులు ఉన్న రాష్ట్రాలు. ఈ సంవత్సరం తెలంగాణ రెవెన్యూ మిగులు 3,718 కోట్ల రూపాయలు. తెలంగాణ ఆదాయాన్ని తెలంగాణకు వ్యయం చేయగలుతున్నందువల్లనే సంక్షేమ పథకాలకు, సాగునీటికి భారీగా నిధులు కేటాయించగలుగుతున్నట్టు ప్రభుత్వం చెబుతోంది. తెలంగాణలో జాతీయ సగటు వృద్ధి రేటు 8.6శాతం కాగా, తెలంగాణలో మాత్రం 11.7శాతం. 2011-12లో వృద్ధి రేటు 9.2శాతం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.