రాష్ట్రీయం
మీ పని మీరు చేసుకోండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 14: స్థానిక నేతలను సమన్వయం చేసుకుంటూ ఎన్నికల ప్రచారంలో దూసుకుపోవాలని అభ్యర్థులకు టీఆర్‌ఎస్ పార్టీ అధినేత, ముఖ్యమంత్రి కల్వకుంట్ల చంద్రశేఖర్‌రావు దిశానిర్దేశం చేసారు. పార్టీ తరఫున వచ్చే ఎన్నికల్లో పోటీకి ఎంపిక చేసిన అభ్యర్థులతో కేసీఆర్ స్వయంగా ఫోన్లో గురువారం ముఖాముఖిగా మాట్లాడినట్టు పార్టీ వర్గాల సమాచారం. కొన్ని నియోజకవర్గాల్లో పార్టీకి చెందిన నేతలు కొందరు బాహాటంగా తమను ఓడించే లక్ష్యంగా ప్రచారం చేస్తోన్న విషయాన్ని ఈ సందర్భంగా అధినేత కేసీఆర్ దృష్టికి అభ్యర్థులు తీసుకొచ్చారు. అసమ్మతి నేతల వివరాలన్నీ ఇంటెలిజెన్స్ వర్గాల ద్వారా తెప్పించుకున్నానని, వారి సంగతి తనకు వదిలేసి, వారి పని వారు చేసుకోండని అధినేత కేసీఆర్ హామీ ఇచ్చినట్టు తెలిసింది. పార్టీ ప్రకటించిన 105 మంది అభ్యర్థులలో ఎంఐఎం సిట్టింగ్ స్థానాలకు ప్రకటించిన అభ్యర్థులను మినహాయించి మిగిలిన వారందరితో కేసీఆర్ స్వయంగా మాట్లాడినట్టు సమాచారం. గురువారం మధ్యాహ్నం నుంచి సాయం త్రం వరకు విరామం లేకుండా అభ్యర్థులు అందరితో కేసీఆర్ ఫోన్లో మాట్లాడినట్టు తెలిసింది. కొత్త ఓటర్ల నమోదుపై దృష్టి సారించాలని, బూత్ కమిటీలకు మంచి కార్యకర్తలను ఎంపిక చేసుకోవాలని సూచించినట్టు తెలిసింది.
ఎన్నికల ప్రచారం ప్రణాళికాబద్ధంగా జరగాలని, ఏ రోజు ఎక్కడికి వెళ్లేది అంతా టైమ్ టేబుల్ ప్రకారమే జరగాలని సూచించారు. తెలంగాణ ఉద్యమంలో చురుకుగా పాల్గొన్నవారితో పాటు, టీఆర్‌ఎస్ ప్రభుత్వం ఏర్పాటు తర్వాత చేరిన నేతలు, కార్యకర్తల మధ్య సమన్వయం చేసుకోవాలన్నారు. అందరినీ కలుపుకొని వెళ్లాలని, ఎవరినీ విస్మరించవద్దని కేసీఆర్ దిశ నిర్దేశం చేసినట్టు తెలిసింది. బరిలోకి దిగనున్న అభ్యర్థుల వివరాలపై కూడా అధినేత కేసీఆర్ ఆరా తీసినట్టు సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.