రాష్ట్రీయం
భారత రాయబారులతో కోడెల భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, అక్టోబర్ 11: రష్యా, కజికిస్థాన్ పర్యటనలో భాగంగా ఆంధ్రప్రదేశ్ శాసనసభాపతి డాక్టర్ కోడెల శివప్రసాదరావు గురువారం అక్కడి భారతదేశ రాయబారులు వెంకటేష్, ప్రభాత్‌కుమార్‌లతో సమావేశమయ్యారు. నూతన ఆంధ్రప్రదేశ్‌లో పెట్టుబడులు పెట్టేందుకు ఉన్న అవకాశాలను వివరించారు. ఆర్థికలోటులో సైతం ముఖ్యమంత్రి చంద్రబాబు నాయుడు పరిపాలన దక్షతతో రాష్ట్రాన్ని ముందుకు తీసుకెళ్తున్న తీరును రాయబారులకు వివరించారు. పెట్టుబడుల విషయంలో ఏపీకి అండగా ఉండాలని కోరారు. అనంతరం కజికిస్థాన్‌లో తెలుగు విద్యార్థుల సమస్యలపై రాయబారి ప్రభాత్‌కుమార్‌తో చర్చించారు. కజికిస్థాన్‌లో తెలుగు విద్యార్థులు పడుతున్న ఇబ్బందులను ముఖ్యమంత్రి చంద్రబాబు నాయుడు దృష్టికి తీసుకెళ్లి పరిష్కరించేందుకు చర్యలు తీసుకుంటామని హామీ ఇచ్చారు. టూరిజం, ఫార్మారంగాల్లో నవ్యాంధ్రప్రదేశ్‌లో ఉన్న అవకాశాలను వివరించారు. సత్తెనపల్లి, నర్సరావుపేట నియోజకవర్గాల పరిధిలో స్పీకర్ కోడెల శివప్రసాదరావు చేస్తున్న సేవలను రష్యాలోని భారత రాయబారి వెంకటేష్ గుర్తుచేసుకున్నారు. గ్రామీణాభివృద్ధితో పాటు స్వచ్ఛ్భారత్, మరుగుదొడ్ల నిర్మాణం, శ్మశానవాటికల అభివృద్ధి, ఇతర సామాజిక సేవా కార్యక్రమాల్లో స్పీకర్ కోడెల కృషిని రాయబారులు కొనియాడారు. నవ్యాంధ్రప్రదేశ్‌కు మా మద్దతు ఎప్పుడూ ఉంటుందని హామీ ఇచ్చారు. కాగా ఈనెల 13వ తేదీన స్పీకర్ కోడెల శివప్రసాదరావు ఏపీకి తిరిగిరానున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.