రాష్ట్రీయం
జస్టిస్ సుదర్శన్‌రెడ్డి అధ్యక్షతన మీడియా స్థితిగతులపై స్వతంత్ర కమిషన్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తెలంగాణ, ఆంధ్రప్రదేశ్ రెండు తెలుగు రాష్ట్రాల్లో మీడియా పరిస్థితులు, జర్నలిస్టుల స్థితిగతులపై అధ్యయనం చేయడానికి సుప్రీంకోర్టు మాజీ న్యాయమూర్తి జస్టిస్ సుదర్శన్‌రెడ్డి అధ్యక్షతన స్వతంత్ర కమిషన్ ఏర్పాటైంది. మీడియా ఎడ్యుకేషన్ ఫౌండేషన్ ఇండియా (మెఫి) ఏర్పాటు చేసిన ఈ స్వతంత్ర కమిషన్‌లో కేంద్ర పబ్లిక్ కమిషన్ మాజీ సభ్యుడు, ద్రవిడ యూనివర్సిటీ మాజీ వైస్ ఛాన్స్‌లర్ ప్రొఫెసర్ కెఎస్ చలం, పాత్రికేయులు చెన్నమనేని రాజేశ్వర్‌రావు సభ్యులుగా ఉంటారని మెఫి చైర్మన్ కె శ్రీనివాస్‌రెడ్డి ఒక ప్రకటనలో తెలిపారు. కమిషన్ సభ్యులతో ఆదివారం హైదరాబాద్‌లో మెఫి సమావేశమై అధ్యయనం చేయాల్సిన అంశాలపై చర్చించినట్టు తెలిపారు. తెలంగాణలో గత నాలుగైదేళ్ళలో 220 మంది జర్నలిస్టులు మృతి చెందిన నేపథ్యంలో అధ్యయనానికి స్వతంత్ర కమిషన్ ఏర్పాటు చేసినట్టు పేర్కొన్నారు. రెండు తెలుగు రాష్ట్రాల్లో ముఖ్యమైన నగరాలు, పట్టణాలు, మండల కేంద్రాల్లో కమిషన్ పర్యటించి క్షేత్రస్థాయి పరిస్థితులను అధ్యయనం చేస్తుందని తెలిపారు.
చిత్రం...జస్టిస్ సుదర్శన్ అధ్యక్షతన ఏర్పాటు చేసిన స్వతంత్ర కమిషన్‌తో
ఆదివారం జరిగిన సమావేశంలో ప్రసంగిస్తున్న మెఫి ప్రతినిధులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.