రాష్ట్రీయం
భారీ ర్యాలీలతో బీజేపీ నామినేషన్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 12: తెలంగాణ శాసనసభ ఎన్నికల నోటిఫికేషన్ జారీ అయిన వెంటనే తొమ్మిది మంది బీజేపీ అభ్యర్ధులు తమ నామినేషన్లను దాఖలు చేశారు. ముషీరాబాద్ నుండి డాక్టర్ కే లక్ష్మణ్, మలక్‌పేట నుండి ఎ జితేంద్ర, సనత్‌నగర్ నుండి ఏ విజయ, గోషామహల్ నుండి టీ రాజాసింగ్, చార్మినార్ నుండి టీ ఉమామహేందర్, దుబ్బాక నుండి ఎం రఘనందన రావు, రామగుండం నుండి వనితా బాల్‌మూరి, మునుగోడు నుండి డాక్టర్ గంగొడి మనోహర్‌రెడ్డి, పరకాల నుండి పెసరు విజయ్ చందర్ రెడ్డి తమ నామినేషన్లను దాఖలు చేశారు. ఈ సందర్భంగా బీజేపీ నేతలు, కార్యకర్తలు విజయోత్సవ హంగామా చేశారు. ఒక పక్క తప్పెడు గుళ్లు, బాజా భజంత్రీలు, టపాసులు కాలుస్తూ ర్యాలీలుగా ఆయా రిటర్నింగ్ అధికారుల కార్యాలయాలకు చేరుకుని కుటుంబ సభ్యులు, కార్యకర్తల సమక్షంలో నామినేషన్ పత్రాలను దాఖలు చేశారు. ముషీరాబాద్ అభ్యర్థిగా డాక్టర్ కే లక్ష్మణ్ తన సతీమణితో కలిసి వచ్చి నామినేషన్ దాఖలు చేశారు. కేంద్ర మంత్రి హన్సరాజ్ గంగారాం అహిర్, ఎంపీ దత్తాత్రేయ, జీ కిషన్‌రెడ్డి , ఎమ్మెల్సీ ఎన్ రామచందర్‌రావు, ఎన్‌వీఎస్‌ఎస్ ప్రభాకర్, పార్టీ ప్రధానకార్యదర్శి పి మురళీధరరావు తదితరులు లక్ష్మణ్ నామినేషన్ల కార్యక్రమానికి హాజరయ్యారు. లోయర్ ట్యాంక్‌బండ్ విజయ గణపతి ఆలయంలో పూజలు నిర్వహించి అక్కడి నుండి కార్యకర్తలతో కలిసి ర్యాలీగా వెళ్లి ముషీరాబాద్ ఎమ్మార్వోకు తమ నామినేషన్ పత్రాలను అందజేశారు. ఈ సందర్భంగా డాక్టర్ లక్ష్మణ్ మాట్లాడుతూ రాష్ట్రంలో బీజేపీ అత్యంత కీలకమైన పాత్ర పోషించనుందని పేర్కొన్నారు. ప్రధాని నరేంద్రమోదీ పేదల సంక్షేమానికి తీసుకున్న ఎన్నో కార్యక్రమాలు, పథకాలు వారి జీవితాల్లో వెలుగు నింపాయని , వారంతా తిరిగి బీజేపీ అధికారంలోకి రావాలని కోరుకుంటున్నారని అన్నారు. రాష్ట్రంలో ఎన్నో హామీలు ఇచ్చి వాటిని నెరవేర్చలేకపోయిన కేసీఆర్‌కు ఓట్లు అడిగే హక్కు లేదని, టీఆర్‌ఎస్ - కాంగ్రెస్‌లు బొమ్మా బొరుసు పార్టీలు మాత్రమేనని, కుటుంబ పాలన పోవాలంటే టీడీపీ -కాంగ్రెస్, టీఆర్‌ఎస్‌లను ఓడించాలని అన్నారు. ఎన్‌టీఆర్ ఆశయాలను చంద్రబాబు తూట్లు పొడిచారని , డబ్బుతో ప్రజలను ఏ పార్టీ ఏమార్చలేదని వ్యాఖ్యానించారు.
గోషా మహల్ బీజేపీ అభ్యర్థి రాజాసింగ్ ఆకాశ్‌పుర హనుమాన్ దేవాలయం నుండి ర్యాలీగా వెళ్లి అబిడ్స్‌లోని జీహెచ్‌ఎంసీ కార్యాలయంలో నామినేషన్ దాఖలు చేశారు. జిల్లాల్లో కూడా పలువురు బీజేపీ అభ్యర్ధులు తమ నామినేషన్లను దాఖలు చేశారు.
చిత్రం..నామినేషన్ దాఖలు చేసేందుకు ముషీరాబాద్ ఎమ్మార్వో కార్యాలయానికి వచ్చిన బీజేపీ రాష్ట్ర అధ్యక్షుడు లక్ష్మణ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.