రాష్ట్రీయం
జపాన్ డిజైన్‌కే జై
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మార్చి 25: రాజధాని నిర్మాణానికి జపాన్ ఆర్కిటెక్చర్లు రూపొందించిన డిజైన్‌ను ముఖ్యమంత్రి చంద్రబాబు లాంఛనంగా ఆమోదించారు. దీంతో రాజధాని అమరావతి నిర్మాణానికి చేపట్టిన చర్యలు తుది దశకు చేరుకున్నాయి. మూడు దేశాలకు చెందిన ఆర్కిటెక్ట్‌లు రూపొందించిన నమూనాలను ఆరుగురు సభ్యులతో కూడిన బృందం కూలంకషంగా పరిశీలించి టోక్యోకు చెందిన మాకి అసోసియేట్స్ రూపొందించిన డిజైన్ అన్ని విధాలా అనుకూలమని ఎంపిక చేసింది. దానే్న ముఖ్యమంత్రి చంద్రబాబు ఆమోదించారు. స్థానిక ప్రైవేట్ సమావేశ మందిరంలో శుక్రవారం రాజధాని నిర్మాణంపై మూడు కంపెనీలు ప్రతిపాదించిన నమూనాలపై జ్యూరీ సభ్యులు కిష్టోపర్ బెంజిర్ - ఇండియా, కెటి రవీంద్రన్ - ఇండియా, ఎరివిన్ వీరే - జపాన్, సూహా వోకాన్ - టర్కీ, కేసవ్ వర్మ, రాజీవ్‌సేది తదితరులతో పరిశీలన చేసి రాజధాని నిర్మాణానికి ఎంపిక చేసిన కంపెనీని ప్రకటించారు. ఈ సందర్భంగా ముఖ్యమంత్రి మాట్లాడుతూ, రాణి రుద్రమదేవి పట్ట్భాషేకం జరిగిన 1261వ సంవత్సరం మార్చి 25వ తేదీనే ఆంధ్రప్రదేశ్ రాజధాని అమరావతి నిర్మాణానికి చెందిన నమూనాను ఆమోదించుకోవడం యాధృచ్ఛికమని, శుభ సూచకమని అభివర్ణించారు. మూడు నమూనాలు అద్భుతంగా ఉన్నాయని, రాజధాని నిర్మాణంలో ‘గ్రీన్ అండ్ బ్లూస్’ కలయికతో అద్భుతమైన నమూనాను సదరు కంపెనీలు ప్రతిపాదించాయన్నారు. మూడు కంపెనీలు చేసిన ప్రతిపాదనలు స్వాగతిస్తున్నామని వాటిలో ఉత్తమమైన ప్రతిపాదనలను భవిష్యత్‌లో చేసే నిర్మాణాల్లో భాగస్వామ్యం చేసేలాగా అధ్యయనం చేయడం జరుగుతుందన్నారు.
ప్రపంచస్థాయి రాజధాని నిర్మాణాన్ని చేపట్టాలనే ఉద్దేశంతో ప్రపంచంలోని ప్రముఖమైన ఆర్కెటెక్ కంపెనీలను పిలవడం జరిగిందని వాటిలో మాకి అండ్ అసోసియేట్స్ జపాన్, వాస్తు శిల్పి కన్సల్‌టెంట్స్ ఇండియా మరియు రోజర్స్ స్ట్రిక్సుహ్రౌజర్ + పార్టనర్స్ యుకెలను ఎంపిక చేసి వారి ద్వారా ఉత్తమమైన ప్రతిపాదనలను కోరడం జరిగిందన్నారు. రాష్ట్ర ప్రభుత్వం రాజధాని నిర్మాణంలో అనుకున్న విధానపరమైన అంశాలకు సరిపడే ప్రతిపాదనలను నమూనాలను అందించిన మాకీ అండ్ అసోసియేట్స్ జపాన్ సంస్థను ఎంపిక చేశామన్నారు. రాజధాని ప్రాంతంలో రెండు ఐకానిక్ భవనాలను నిర్మిస్తున్నామని వీటితోపాటు కూచిపూడి సంస్కృతి సంప్రదాయాలు ప్రతిబింబించేలా వంతెన నిర్మాణాన్ని నిర్మించబోతున్నామని వెల్లడించారు. అసెంబ్లీ, సెక్రటేరియట్, హైకోర్టు భవనాలు నమూనాలు అద్భుతమైన రీతిలో ఉన్నాయని తాత్కాలిక రాజధాని నిర్మాణ పనులు రాబోయే మూడు నెలల్లో పూర్తయిన వెంటనే శాశ్వత రాజధాని పనులను ప్రస్తుతం ఆమోదించిన ఆర్క్‌టెక్ విధానంలో ప్రారంభిస్తామని ముఖ్యమంత్రి తెలిపారు.
కేంద్ర మంత్రి వెంకయ్యనాయుడు మాట్లాడుతూ రాజధాని నిర్మాణం కోసం వచ్చిన మూడు ప్రతిపాదనలూ అద్భుతంగా ఉన్నాయని, ఆంధ్రప్రదేశ్ ముఖ్యమంత్రి భవిష్యత్‌ను దృష్టిలో ఉంచుకుని చేపడుతున్న నిర్మాణాలపై జ్యూరీ సభ్యులను, కమిటీని అభినందించారు. మరో కేంద్రమంత్రి సుజనా చౌదరి మాట్లాడుతూ ఆర్ధిక చేకూర్పు కలిగించేలాగ భవిష్యత్ ప్రణాళికలతో ప్రతిపాదించిన అమరావతి రాజధాని నిర్మాణం పట్ల అందుకు చేసిన ప్రతిపాదనలను ప్రస్తుతించారు. ఈ సమావేశంలో జ్యూరీ సభ్యులు కూడా మాట్లాడారు.
చిత్రం ఎంపిక చేసిన డిజైన్‌ను మంత్రులతో కలిసి పరిశీలిస్తున్న ముఖ్యమంత్రి చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.