రాష్ట్రీయం
మాఫియాపై ఉక్కుపాదం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 28: రాష్ట్రంలో ఇసుక మాఫియాపై ఉక్కుపాదం మోపామని, అక్రమ రవాణాను అరికట్టేందుకు కఠిన చర్యలు తీసుకున్నామని మంత్రి హరీశ్‌రావు శాసనసభకు వెల్లడించారు. కాంగ్రెస్ ఎమ్మెల్యే డికె అరుణ అడిగిన ప్రశ్నకు బదులిస్తూ గతంలో లారీ ఇసుక రూ. 35 వేలుంటే, ఇప్పుడు రూ.11వేలు ఉందన్నారు. ఇసుక పాలసీ ద్వారా తక్కువ ధరకే అందిస్తున్నామన్నారు. ఇసుక అక్రమ రవాణాకు పాల్పడిన వారిపై రూ.11 కోట్ల పెనాల్టీలు విధించామన్నారు. మూడోసారి అక్రమ రవాణా చేసి దొరికిపోతే కేసులు నమోదు చేసి వాహనాలను సీజ్ చేస్తున్నామన్నారు. ఆన్‌లైన్ ద్వారా ఇసుకను బుక్ చేసుకునే అవకాశం కల్పించామన్నారు. ఇసుక మాఫియాపై ఫిర్యాదుకు కాల్ సెంటర్‌ను ఏర్పాటు చేశామన్నారు.
జీవో 58 కింద 1.2 లక్షల
దరఖాస్తుల క్రమబద్ధీకరణ
రాష్ట్రంలో జీవో 58 కింద 1,20,094 దరఖాస్తులను క్రమబద్ధీకరించామని, లబ్ధిదారులకు పట్టా ధృవపత్రాలను జారీ చేశామని, దీనివల్ల ఖజానాకు రూ.261.29 కోట్ల ఆదాయం వచ్చినట్లు ఉప ముఖ్యమంత్రి మెహమూద్ అలీ చెప్పారు. ఎమ్మెల్యేలు కెపి వివేకానంద్ తదితరులు అడిగిన ప్రశ్నకు ఆయన బదులిస్తూ రంగారెడ్డి జిల్లాలో 1.50 లక్షల దరఖాస్తులకు 80 వేల దరఖాస్తులు, హైదరాబాద్‌లో 61 వేల దరఖాస్తులకు 40 వేల దరఖాస్తులు, ఖమ్మం జిల్లాలో 20 వేల దరఖాస్తులలకు వెయ్యి దరఖాస్తుల వివరాలను క్రమబద్ధీకరించామన్నారు. కోర్టుకేసులు, ఆక్రమణలున్న స్ధలాలను క్రమబద్ధీకరించలేనదన్నారు. పేదవారికోసం సిఎం కె చంద్రశేఖరరావు ఈ స్కీంను అమలు చేస్తున్నారన్నారు. ఈ సందర్భంగా ఆర్ధిక మంత్రి ఈటెల రాజేందర్ మాట్లాడుతూ వివాదం, కోర్టు కేసులు లేని 125 గజాలలోపు ప్రభుత్వ స్ధలాల్లో ఇళ్ల నిర్మాణం చేసుకున్నవారికి మాత్రమే క్రమబద్ధీకరణ జరిగిందన్నారు. రాష్ట్ర ప్రభుత్వం ఇండ్లు లేని వారిలో అర్హులైన వారికి నేరుగా డబుల్ బెడ్‌రూం ఇళ్లను నిర్మించి ఇస్తుందన్నారు. బిజెపి శాసనసభాపక్ష నేత డాక్టర్ లక్ష్మణ్, సిపిఐ ఎమ్మెల్యే రవీంద్రకుమార్ రమావత్ తదితరులు మాట్లాడుతూ హైదరాబాద్‌లో 1452కు పైగా మురికివాడలున్నాయని, ఇందులో నివసిస్తున్న వారికి ఇళ్లను క్రమబద్ధీకరించాలని కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.