రాష్ట్రీయం
లెక్చరర్ల పోస్టులూ క్రమబద్ధీకరణ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 28: ప్రభుత్వ జూనియర్, డిగ్రీ, పాలిటెక్నిక్ కళాశాలలో పని చేస్తున్న కాంట్రాక్టు లెక్చరర్లు, ఉద్యోగుల సర్వీసులను క్రమబద్ధీకరిస్తామని ఉప ముఖ్యమంత్రి, విద్యాశాఖ మంత్రి కడియం శ్రీహరి వెల్లడించారు. శాసనసభలో సోమవారం విద్యాశాఖ పద్దులపై చర్చ సందర్భంగా సభ్యులు అడిగిన ప్రశ్నలకు కడియం శ్రీహరి సమాధానమిస్తూ విద్యాసంస్థల్లో పని చేసే కాంట్రాక్టు ఉద్యోగులను రోస్టర్‌ను అనుసరించి క్రమబద్ధీకరించే ప్రక్రియ వచ్చే విద్యా సంవత్సరానికి పూర్తి చేయనున్నట్టు చెప్పారు. అలాగే టీచర్ల నియామకానికి మే 1న టెట్ పరీక్ష నిర్వహించి, తర్వాత డిఎస్సీ నిర్వహిస్తామన్నారు. గత ప్రభుత్వాలు విద్యా వ్యవస్థను భ్రష్టు పట్టించాయన్నారు. విద్యా వ్యవస్థను పటిష్టం చేయడంతోపాటు ప్రక్షాళన చేయడానికి సభ్యుల నుంచి సూచనలు, సలహాలు స్వీకరించడానికి ఈనెల 30న సభలో ‘స్టేటస్ ఆఫ్ ఎడ్యుకేషన్ ఇన్ తెలంగాణ’ అనే అంశంపై చర్చకు పెట్టనున్నట్టు కడియం శ్రీహరి చెప్పారు. దేశంలో రాష్ట్రాలు, కేంద్రప్రాంత ప్రాంతాలు కలిసి 36ఉంటే అందులో అక్షర్యాసతలో తెలంగాణ రాష్ట్రం 32 స్థానంలో ఉందని, ఇప్పటికీ రాష్ట్రంలో అక్షరాస్యత 66 శాతం మాత్రమే ఉందని కడియం శ్రీహరి ఆందోళన వ్యక్త చేశారు. విద్యాశాఖ పద్దులకు సభ ఆమోదించి, ద్రవ్యవినిమయ బిల్లుకు మంగళవారం ఆమోదం పొందిన తర్వాత విద్యవ్యవస్థపై బుధవారం ప్రత్యేక చర్చ పెట్టడం వల్ల ప్రయోజనం ఏమిటని కాంగ్రెస్ పక్షం ఉప నాయకుడు టి జీవన్‌రెడ్డి ప్రశ్నించారు. విద్య వ్యవస్థ ప్రక్షాళనపై ఈ నెల 30న చర్చ జరపడానికి బిజినెస్ అడ్వయిజరీ కమిటిలో చేసిన నిర్ణయాన్ని కాంగ్రెస్ నుంచి హాజరైన ప్రతినిధులు అంగీకారం తెలిపాక తిరిగి అభ్యంతరం పెట్టడం ఏమిటని కడియం శ్రీహరి ప్రశ్నించారు. ఒకటి నుంచి 10వ తరగతి వరకు చదివే విద్యార్థులు రాష్ట్రంలో 60 లక్షల మంది ఉండగా, అందులో 28 లక్షల మంది ప్రభుత్వ పాఠశాలల్లో, 32 లక్షల మంది ప్రైవేట్ పాఠశాలల్లో చదువుతున్నారని కడియం శ్రీహరి వివరించారు. ఫీజు రియింబర్స్‌మెంట్ పథకాన్ని మొదలు పెట్టిన తర్వాత ప్రభుత్వం ఇచ్చే నిధులు పొందడానికే కోకొల్లలుగా విద్యాసంస్థలు పుట్టుకొచ్చాయని కడియం అన్నారు. ఇలాంటి పరిస్థితులపై చర్చించి విద్యావ్యవస్థలో తీసుకురావాల్సిన చేర్పులు, మార్పులపై సభ్యులు సూచనలు, సలహాలు ఇవ్వాలని సూచించారు. విశ్వవిద్యాలయాలు, కళాశాలలో నియామకాలు జరుగక 20 ఏళ్లు అవుతుందని, 2018నాటికి ఉస్మానియా విశ్వవిద్యాలయంలో ప్రొఫెసర్లంతా రిటైర్డు కాబోతున్నారన్నారు. అదే జరిగితే ఉస్మానియా యూనివర్సిటీ నాక్ గుర్తింపు కోల్పోతుందన్నారు. ఆ పరిస్థితి రాకుండా అంతకుముందుగానే నియామకాల ప్రక్రియను పూర్తి చేయాలని ప్రభుత్వ యోచిస్తుందన్నారు. గత కాంగ్రెస్ ప్రభుత్వం హయాంలో 79 జూనియర్, 59 డిగ్రీ, 14 పాలిటెక్నిక్ కళాశాలను ఏర్పాటు చేసినప్పటికీ వాటికి వౌలిక సదుపాయాలు కల్పించడంకానీ, సిబ్బందిని నియామకం కానీ జరుగలేదని ఉప ముఖ్యమంత్రి అన్నారు. తమ ప్రభుత్వం గత ప్రభుత్వాలలో జరిగిన తప్పిదాలన్నింటినీ సరిదిద్దే ప్రయత్నం చేస్తుందన్నారు. విద్యాసంస్థలు తిరిగి ప్రారంభమయ్యే జూలై వరకు అన్ని విద్యాసంస్థల్లో వౌలిక సదుపాయాల కల్పిస్తామని, దీని కోసం బడ్జెట్‌లో రూ. 1500 కోట్లు కేటాయించినట్టు కడియం శ్రీహరి వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.