రాష్ట్రీయం
ఎన్టీఆర్ యుగపురుషుడు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 29: ఎన్టీఆర్ యుగపురుషుడు అని తెలుగు దేశం పార్టీ జాతీయ అధ్యక్షుడు, ఎపి ముఖ్యమంత్రి చంద్రబాబు నాయుడు అన్నారు. ఎన్టీఆర్ సినిమా రంగం ద్వారా, రాజకీయ రంగం ద్వారా సమాజాన్ని ప్రభావితం చేశారని ఆయన తెలిపారు. అసెంబ్లీలో వివిధ అంశాలపై ఎన్టీఆర్ చేసిన ప్రసంగాల సంకలనాలను స్పీకర్ కోడెల శివప్రసాద రావు ఆదేశంతో అసెంబ్లీ సిబ్బంది పుస్తకాన్ని ముద్రించింది. మంగళవారం టిడిపి ఆవిర్భావ దినోత్సవాన్ని పురస్కరించుకుని అసెంబ్లీ కమిటీ హాలులో ఏర్పాటు చేసిన పుస్తకావిష్కరణ సభలో స్పీకర్ కోడెల, ముఖ్యమంత్రి చంద్రబాబు, పార్టీ ఎమ్మెల్యేలు పాల్గొన్నారు. ఈ పుస్తకాన్ని ముఖ్యమంత్రి ఆవిష్కరించిన అనంతరం ప్రసంగిస్తూ ఎన్టీఆర్ మాండలిక విధానాన్ని తెచ్చారని చెప్పారు. ఎన్టీఆర్ తన ప్రసంగాల ద్వారా ప్రజలను చైతన్యపరిచి, కార్యోన్ముఖులుగా చేశారని ఆయన తెలిపారు. తెలుగు వారికి తెలుగు దేశం పార్టీని కానుకగా ఇచ్చారని ఆయన చెప్పారు. ఎన్టీఆర్‌ను తెలుగు జాతి ఎప్పుడూ గుర్తుంచుకుంటుందని అన్నారు. స్పీకర్ కోడెల శివప్రసాద రావు ప్రసంగిస్తూ ఎన్టీఆర్ ప్రసంగాలను పుస్తక రూపంలో తీసుకుని రావడం వల్ల భవిష్యత్ తరాలకు ఉపయోగపడుతుందని అన్నారు. అసెంబ్లీలో గతంలో పుచ్చలపల్లి సుందరయ్య వంటి హేమాహేమీలు విలువైన ప్రసంగాలు చేసే వారని ఆయన తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.