రాష్ట్రీయం
ఆన్‌లైన్‌లో ఏటికొప్పాక బొమ్మలు!
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, మార్చి 29: ప్రపంచ ప్రఖ్యాతి గాంచిన విశాఖ జిల్లా ఏటికొప్పాక బొమ్మలు ఇక ఆన్‌లైన్‌లో అందుబాటులోకి రానున్నాయి. వందల సంవత్సరాలుగా హస్తకళా నైపుణ్యంతో రూపుదిద్దుకుంటున్న ఏటికొప్పాక బొమ్మలకు ఎంతో గిరాకీ ఉంది. వీటి విక్రయాలను అంతర్జాతీయ మార్కెట్‌కి విస్తరించాలని జిల్లా గ్రామీణాభివృద్ధి సంస్థ (డిఆర్‌డిఎ) నిర్ణయించింది. ఇందులో భాగంగా ఏటికొప్పాక బొమ్మల విక్రయ బాధ్యతను అంతర్జాతీయ ఆన్‌లైన్ మార్కెటింగ్ సంస్థ ఫ్లిప్‌కార్ట్‌కు అప్పగించింది. ఈ మేరకు మహిళా సంఘాల జిల్లా సమాఖ్య, ఫ్లిప్‌కార్ట్ మధ్య అంగీకారం కుదిరింది. ఏటికొప్పాక గ్రామంలో దాదాపు 500 కుటుంబాలు బొమ్మల తయారీ ఆధారంగా జీవిస్తున్నారు. ఇప్పటివరకూ ఈ బొమ్మలు విశాఖ నగరంతోపాటు రెండు తెలుగు రాష్ట్రాల్లోని కొన్ని నగరాలకే పరిమితం. డిఆర్‌డిఎ ఆధ్వర్యంలో ఏటికొప్పాక బొమ్మల విక్రయం ద్వారా రూ.50 లక్షల వ్యాపారం జరుగుతోంది. ఫ్లిప్‌కార్ట్‌తో ఒప్పందం ద్వారా ఏటా రూ.5 కోట్ల వ్యాపారం లక్ష్యంగా పెట్టుకున్నట్టు డిఆర్‌డిఎ ప్రాజెక్టు డైరెక్టర్ పి.సత్యసాయి శ్రీనివాస్ ఆంధ్రభూమికి తెలిపారు. ప్రస్తుతం 38 రకాల బొమ్మలను ఫ్లిప్‌కార్ట్ ద్వారా మార్కెట్‌లో అందుబాటులోకి తీసుకురానున్నట్టు ఆయన తెలిపారు. ఏటికొప్పాక బొమ్మలతో పాటు అరకులో లభించే రాట్‌ఐరన్ బొమ్మలు, విజయనగరం జిల్లా బొబ్బిలి వీణలను సైతం ఫ్లిప్‌కార్ట్ ద్వారా విక్రయించనున్నామన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.