రాష్ట్రీయం
కిక్కిరిసిన బస్టాండ్లు, రైల్వేస్టేషన్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 11: లక్షలాది మంది నగరవాసులు సంక్రాంతికి సొంతూరు బాటపట్టారు. రైల్వేస్టేషన్లు, బస్‌స్టేషన్లు ప్రయాణికులతో కిటకిటలాడాయి. ఇదే అదనుగా చేసుకుని ప్రైవేటు, ప్రభుత్వ వాహనాలు చార్జీలు పెంచేసి జనాన్ని నిలువుదోపిడీ చేస్తున్నాయి. రిజర్వేషన్లు దక్కని వారు రోడ్డు రవాణాసంస్థ, ప్రైవేటు బస్సులను ఆశ్రయించాల్సి వస్తోంది. దీంతో అదనపుచార్జీలు వసూలు చేస్తున్నారు. తెలంగాణ ఆర్టీసీ మాత్రం టిక్కెట్‌పై 50 శాతం అదనంగా వసూలు చేయాలని నిర్ణయించినా, బస్సు కండక్టర్లు మాత్రం వంద శాతం పెంచేశారు. ఈ సందర్భంగా ప్రయాణీకులు, కండక్టర్ల మధ్య వాగ్వాదాలు జరుగుతున్నాయి. ప్రయాణీకులు ఎవరైనా ప్రశ్నిస్తే పైఅధికారుల ఆదేశాల మేరకే వసూలు చేస్తున్నామని కండక్టర్లు చెబుతున్నారు. ఇక ప్రైవేట్ బస్లు ఆపరేటర్ల సంగతి సరేసరి. ప్రయాణికుల నుంచి అడ్డూఅదుపూలేకుండా దోచుకుంటున్నారు. మామూలు రోజుల్లో 600 రూపాయలున్న టిక్కెట్‌ను 2,500 రూపాయల వరకూ పెంచేశారు. విశాఖపట్నం, విజయనగరం, విజయవాడ, రాజమండ్రి, కడప, తిరుపతి, చిత్తూరు, బెంగళూరుకు భారీగానే పెంచేసి వసూలు చేస్తున్నారు. రైల్వే అధికారులు అదనంగా ప్రత్యేక రైళ్లను నడుపుతున్నారు. అయినా ప్రత్యేక రైళ్లకు రిజర్వేషన్లు దొరికితే ఒట్టు. వెయిటింగ్ లిస్టు వందల్లో ఉంటోంది. ప్రతి రైలుకూ ‘నో రూమ్’ బోర్డు. సామాన్య ప్రయాణికుల కోసం జన్‌సాధారణ్ రైళ్లను నడుపుతున్నారు. హైదరాబాద్- విజయవాడ మధ్య ఏకంగా 60 రైళ్లను నడపడానికి ఏర్పాట్లు చేశారు. జనసాధారణ్ రైళ్లలో హైదరాబాద్- విజయవాడకు కేవలం రూ. 120 చార్జీ నిర్ణయించారు. ఈ రైళ్ల కోసం సామాన్య ప్రయాణికులు ఎగబడుతున్నారు. యథాప్రకారం పండగ రద్దీని దృష్టిలో పెట్టుకుని ప్లాట్‌ఫారం టిక్కెట్టు 10 నుంచి 20 రూపాలకు పెంచేశారు. ఇలా ఉండగా హైదరాబాద్ నుంచి ఆంధ్రా, తెలంగాణ జిల్లాలకు దాదాపు 5,252 బస్సులు నడుపుతున్నట్టు రంగారెడ్డి రీజియన్ మేనేజర్ యాదగిరి తెలిపారు. తెలంగాణకు 3,673 బస్సులు, ఆంధ్రాకు 1,579 ప్రత్యేక బస్సులు ఏర్పాటు చేశామన్నారు. శుక్రవారం ఆయన ఆంధ్రభూమి ప్రతినిధితో మాట్లాడుతూ ప్రయాణీకుల సౌకర్యం కోసం ప్రత్యేక బస్సులు ఏర్పాటు చేశామన్నారు. ఎంజీబీఎస్ నుంచి ఏపీకి 500 బస్సులు, తెలంగాణకు 855 బస్సులు తిప్పుతున్నారు. జేబీఎస్ నుంచి ఆంధ్రాకు 230, తెలంగాణకు 1,426 బస్సులు నడుపుతున్నారు. కేపీహెచ్‌బీ నుంచి ఆంధ్రాకు 323, తెలంగాణకు 113 బస్సులు, ఉప్పల్ క్రాస్‌రోడ్డు నుంచి ఆంధ్రాకు 20, తెలంగాణకు 454, ఎల్‌బీ నగర్ నుంచి ఆంధ్రాకు 156, తెలంగాణకు 825 బస్సులు నడుపుతున్నట్లు ఆయన చెప్పారు. ఎంజీబీఎస్ నుంచి రెగ్యులర్‌గా నడిచే బస్సులు ప్లాట్‌ఫామ్‌ల నుంచి బయలుదేరతాయని చెప్పారు. ప్రయాణికుల సమచారం కోసం తీతీతీ. టీఎస్‌ఆర్‌టీసీ ఆన్‌లైన్.ఇన్‌తో వివరాలను తెలుసుకోవచ్చు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.