రాష్ట్రీయం
మూడేళ్లు ఇక్కట్లే
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 31: ఆంధ్రప్రదేశ్‌కు రానున్న రెండు మూడేళ్లు ఆర్థిక బాధలు తప్పవని ముఖ్యమంత్రి ఎన్ చంద్రబాబు నాయుడు తేల్చి చెప్పారు. హైదరాబాద్ సచివాలయంలో గురువారం ఎమ్మెల్యేలు, ఎమ్మెల్సీలు, ప్రజాప్రతినిధులతో ఆయన మాట్లాడారు. 14వ ఫైనాన్స్ కమిషన్ కూడా ఆంధ్రప్రదేశ్‌కు 2019 వరకూ ఆర్థిక లోటు ఉంటుందని చెబుతోందని చంద్రబాబు అన్నారు. 20వేల నుండి 25వేల వరకు ప్రభుత్వ ఉద్యోగాలు భర్తీ చేసేందుకు కసరత్తు చేస్తున్నామని చెప్పారు. ఉద్యోగాల భర్తీపై విజయవాడ కేబినెట్‌లో నిర్ణయం తీసుకుంటామని అన్నారు. ఎంపీలు, ఎమ్మెల్యేలు, ఎమ్మెల్సీలు నెలకోసారి సమావేశమై ప్రజాసమస్యల పరిష్కారానికి ప్రణాళికాయుతంగా పనిచేయాలని చెప్పారు. మే 1న కార్మిక సదస్సును భారీ ఎత్తున నిర్వహించనున్నట్టు చెప్పారు. జన్మభూమి కమిటీలను పటిష్ఠపరచి ప్రజలకు మరింత మెరుగైన సంక్షేమ, అభివృద్ధి ఫలాలు అందేలా ఎమ్మెల్యేల పనితీరు ఉండాలని, ప్రజాప్రతినిధులు అంతా సాంకేతికతను వినియోగించుకోవాలని సూచించారు. సింగపూర్ తరహాలో ఆంధ్రప్రదేశ్‌ను అవినీతి రహితంగా తీర్చిదిద్ది, సమర్థవంతమైన పాలన అందించడమే లక్ష్యమని ముఖ్యమంత్రి చెప్పారు.
రాష్ట్రాన్ని అడ్డగోలుగా, అన్యాయంగా విభజించారని చంద్రబాబు విమర్శించారు. మిగిలిన రాష్ట్రాలకూ, ఆంధ్రప్రదేశ్‌కు మధ్య తలసరి ఆదాయంలో 35వేల నుండి 45 వేల వరకు వ్యత్యాసం ఉందని అన్నారు. ఫోకస్ అప్రోచ్‌తో వ్యవసాయ దిగుబడులను పెంచగలిగామన్నారు. హార్టికల్చర్, పౌల్ట్రీ, డెయిరీ, ఫిషరీస్, సెరికల్చర్ ద్వారా అధిక ఆదాయం పొందేలా రైతులను ప్రోత్సహించాలని సూచించారు. అన్ని ప్రభుత్వ పథకాలు, కార్యక్రమాలకు సంబంధించి నియోజకవర్గాల వారీ వివరాలతో కొత్త యాప్ తీసుకువస్తామని అన్నారు. రానున్న రోజుల్లో 750, 1000 చదరపు అడుగుల విస్తీర్ణంతో అంగన్‌వాడీ కేంద్రాల భవనాలకు 7.5 లక్షల చొప్పున ఇస్తామని, అవసరమైతే 10 లక్షల వరకూ వెచ్చిస్తామని చెప్పారు.
వేసవిలో తాగునీటి సమస్యలు తలెత్తకుండా అన్ని చర్యలూ తీసుకోవాలని, ఆరు లక్షల ఇళ్లు ఏడాదిలోగా ఎట్టి పరిస్థితుల్లో పూర్తి చేసితీరుతామని అన్నారు. ఎప్పటికప్పుడు నిర్మాణ పనులను జియోట్యాగింగ్ ద్వారా పరిశీలించి నిధులను విడుదల చేస్తామని పేర్కొన్నారు. 80 శాతం రహదారుల నిర్మాణం ఏడాదిలోగా పూర్తి చేసి చూపిస్తామని సిఎం అన్నారు.
సిఎంకు సత్కారం
ఎస్సీ, ఎస్టీల సంక్షేమం కోసం కృషి చేస్తున్న చంద్రబాబును పూలమాలలతో ఎస్సీ, ఎస్టీ ప్రజాప్రతినిధులు సత్కరించారు. అంతకుముందు చంద్రబాబు కాపు కార్పొరేషన్ అధికారులు, నేతలతో సచివాలయంలో సమావేశం అయ్యారు.
చిత్రం సచివాలయంలో గురువారం ఎమ్మెల్యేలు, ఎమ్మెల్సీలు, ప్రజాప్రతినిధులతో సమావేశమైన ముఖ్యమంత్రి చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.