రాష్ట్రీయం
చాసో కథలు అజరామరం
S ,7 à 8 RSCA (si SASPAS) et 6 cialis pharmacie cialis rapports de stage.
విజయనగరం: చాసో (చాగంటి సోమయాజులు) కథలు అజరామరాలని ఏపీ నాటక అకాడమీ ఉపాధ్యక్షుడు కందిమళ్ల సాంబశివరావు అన్నారు. గురువారం స్థానిక గురజాడ జిల్లా కేంద్ర గ్రంథాలయంలోని చాసో భవన్‌లో ఏర్పాటు
చేసిన చాసో స్ఫూర్తి సాహిత్య పురస్కార కార్యక్రమానికి ఆయన అధ్యక్షత వహించారు. ఈ సందర్భంగా ఆయన మాట్లాడుతూ చాసో కథల్లో తెలియని ఆర్ద్రత ఉంటుందన్నారు. చాసో రాసిన 40 కథల్లో మానవీయ స్పర్శను స్పృశించారని వివరించారు. తన అనుభవ సారాన్ని, జ్ఞానామృతాన్ని కలగలిపి చాసో కథలు రాయడం వల్ల ఆయన కథల్లో శిల్పం విన్యాసం చేస్తుందన్నారు. జీవితాన్ని బాగా అధ్యయనం చేసిన వ్యక్తి చాసో అని, సూటిగా విశే్లషించడం ఆయన నైజమని వివరించారు.
ఈ సందర్భంగా చాసో స్ఫూర్తి ట్రస్ట్ అధినేత చాగంటి తులసీ, ముఖ్య అతిథుల చేతుల మీదుగా యువ రచయిత వేంపల్లె షరీఫ్‌కు చాసో స్ఫూర్తి సాహిత్య పురస్కారాన్ని అందజేశారు. ఈ సందర్భంగా రచయిత వేంపల్లె షరీఫ్ మాట్లాడుతూ ముస్లింలలో ఉన్న భిన్న ఉప కులాల మధ్య జరుగుతున్న సంఘర్షణను కథల రూపంలో తీసుకువచ్చానన్నారు. తాను రాసిన ‘జుమ్మా’ కథకు కేంద్ర సాహిత్య అకాడమీ పురస్కారం లభించిందన్నారు. కాగా, చాసో స్ఫూర్తి పురస్కారం అందుకోవడం అంతకంటే ఆనందంగా ఉందని వివరించారు.
చాగంటి తులసి మాట్లాడుతూ సమాజంలో ఏ మార్పు రావాలని కథలు రాస్తున్నారో అటువంటి వాటికి ఇక నుంచి చాసో స్ఫూర్తి అవార్డును అందజేస్తామన్నారు. కళాత్మక విలువలు కలిగిన రచనలకే చాసో పురస్కారాన్ని అందజేస్తున్నామన్నారు. ఈ కార్యక్రమంలో ప్రముఖ విశే్లషకురాలు రెహనా, రచయిత జీఎస్ చలం, తమిళ రచయిత వి.దివాకర్, చీకటి దివాకర్, రచయితలు జగద్ధాత్రి, రామతీర్థ, డాక్టర్ ఎ.గోపాలరావు తదితరులు పాల్గొన్నారు.
చిత్రం..చాసో స్ఫూర్తి ట్రస్ట్ అధినేత చాగంటి తులసీ, ముఖ్య అతిథుల చేతుల మీదుగా
చాసో స్ఫూర్తి సాహిత్య పురస్కారాన్ని అందుకుంటున్న యువ రచయిత వేంపల్లె షరీఫ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.