రాష్ట్రీయం
21 నుంచి కేసీఆర్ చండీయాగం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: లోక కళ్యాణం కోసం ముఖ్యమంత్రి కే. చంద్రశేఖర్‌రావు ఈ నెల 21 నుంచి 25వ తేదీ వరకు మహారుద్ర సహిత సహస్ర చండీ మహాయాగం చేయాలని సంకల్పించారు. ఈ మేరకు తన వ్యవసాయ క్షేత్రం (ఫాం హౌస్)లో చురుగ్గా ఏర్పాట్లు జరుగుతున్నాయి. ముఖ్యమంత్రి కేసీఆర్, ఆయన సతీమణి శోభ చండీ యాగంలో ప్రధానంగా పాల్గొంటారు. ఇంకా కుటుంబ సభ్యులతో మాత్రమే నిర్వహించాలని భావించారు. అయితే ఎందుకో కానీ చివరి నిమిషంలో వైఎస్సార్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డిని ఆహ్వానించినట్లు సమాచారం. గతంలో వివిధ రాష్ట్రాలకు చెందిన రాజకీయ ప్రముఖులను, ఆంధ్రప్రదేశ్ ముఖ్యమంత్రి చంద్రబాబు నాయుడు ప్రభృతులను ఆహ్వానించిన సంగతి తెలిసిందే. కాగా ఈసారి రాజకీయ నాయకులను ఆహ్వానించకుండా కేవలం కుటుంబ సభ్యులతో, తనకు సన్నిహితంగా ఉండే పార్టీ రాష్ట్ర నాయకులను పిలవాలని ముఖ్యమంత్రి నిర్ణయించుకున్నట్లు పార్టీ వర్గాలు తెలిపాయి. అయినప్పటికీ వైఎస్ జగన్‌ను ఆహ్వానించినట్లు తెలుస్తోంది. ఇలాఉండగా గతంలో నిర్వహించిన ఆయుత చండీ మహాయాగం తరహాలో ఈ దఫా కూడా శృంగేరి జగద్గురువుల ఆశీస్సులతో శృంగేరి శారదాపీఠం సంప్రదాయంలో ఈ మహాయాగాన్ని నిర్వహించాలని భావిస్తున్నారు. ఈ యాగంలో 200 మంది ఋత్వికులు
పాల్గొంటారు. సహస్ర చండీ యాగంలో మొదటి రోజు సప్తశతి చండీ పారాయాణాలు నిర్వహిస్తారు. రెండో రోజు 200, మూడో రోజు 300, నాలుగో రోజు 400 పారాయాణాలు నిర్వహిస్తారు. ఇలా మొత్తం వెయ్యి పారాయాణాలు పూర్తి చేస్తారు. ఐదవ రోజున ఏకాదశ యజ్ఞ కుండాల వద్ద వంద పారాయాణాలు, స్వాహకారాలతో హోమం నిర్వహించి, ఆ తర్వాత పూర్ణాహుతితో యాగం పరిసమాప్తి అవుతుంది. మహారుద్ర యాగంలో నాలుగు రోజులూ రుద్ర పారాయాణాలు, చివరి రోజు రుద్ర హవనం పూర్ణాహుతి జరుగుతుంది. ఈ యాగానికి వివిధ ప్రాంతాల నుంచి పీఠాధిపతులు, ధర్మాచార్యులు, స్వామిజీలు, అథ్యాత్మిక, థార్మికవేత్తలు, వేద పండితులు, ప్రముఖులను ఆహ్వానించనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.