రాష్ట్రీయం
భూముల పందేరం!
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఏప్రిల్ 2: రాష్ట్రంలో వివిధ సంస్థలకు, పలు పరిశ్రమలకు భూములను కేటాయిస్తూ శనివారం ఇక్కడ జరిగిన కేబినెట్ సమావేశంలో నిర్ణయం తీసుకున్నారు. చిత్తూరు జిల్లా సత్యవీడులో హీరో కంపెనీకి 600 ఎకరాల భూమిని కేటాయించేందుకు కేబినెట్ ఆమోదం తెలిపింది. ఈ కంపెనీ సంవత్సరానికి 18 లక్షల ద్విచక్ర వాహనాలను తయారు చేయనుంది. కడప జిల్లా పుట్లంపల్లి గ్రామంలో వౌలానా ఆజాద్ నేషనల్ ఉర్దూ యూనివర్శిటీ సెంటర్ ఏర్పాటుకు 10 ఎకరాల స్థలాన్ని కేటాయించారు. కర్నూలు జిల్లా కరివేముల మండలం జిల్లేడుబుడకల, కుంకనూరులో నెడ్‌క్యాప్, వర్షిణి విండ్ పవర్ ప్రాజెక్ట్ సంయుక్తంగా నెలకొల్పనున్న పవన విద్యుత్ ప్రాజెక్ట్‌కు 28 ఎకరాల స్థలాన్ని 25 సంవత్సరాల లీజ్‌కు కేటాయించారు. అనంతపురం జిల్లా చాబాల గ్రామంలో నెడ్‌క్యాప్, సమరిన్ జైసల్మార్ విండ్ ఫామ్స్ ప్రైవేట్ లిమిటెడ్ సంయుక్తంగా నెలకొల్పనున్న పవన విద్యుత్ ప్రాజెక్ట్‌కు మూడు ఎకరాల భూమిని ఎకరాకు ఐదు లక్షల రూపాయల చొప్పున, 25 ఏళ్ల లీజుకు కేటాయించారు. అనంతపురం జిల్లా కనగానపల్లి గ్రామంలో 62.94 ఎకరాలను ఎకరాకు 2.15 లక్షల రూపాయల చొప్పున, ముత్తకుంట్ల గ్రామంలో 62 ఎకరాలను ఎకరాకు 1.75 లక్షల చొప్పున నెడ్‌క్యాప్, సరయు విండ్ పవర్ లిమిటెడ్ సంయుక్తంగా నెలకొల్పనున్న పవన విద్యుత్ ప్రాజెక్ట్‌కు 25 సంవత్సరాల లీజ్‌కు కేటాయించారు. అనంతపురం జిల్లా జంతలూరు గ్రామంలో సెంట్రల్ యూనివర్శిటీ నిర్మాణానికి 491.23 ఎకరాల భూమిని ఉచితంగా కేటాయిస్తూ కేబినెట్ నిర్ణయం తీసుకుంది. కర్నూలు జిల్లా ఎమ్మిగనూరు మండలం బనవాసి గ్రామంలో టెక్స్‌టైల్ పార్క్ నిర్మాణానికి 91.31 ఎకరాల భూమిని ఉచితంగా కేటాయించింది. అనంతపురం జిల్లా తుంగోడు గ్రామంలో ఇండస్ట్రియల్ పార్క్‌కోసం 409.53 ఎకరాల భూమిని ఉచితంగా కేటాయించింది. ఇదే జిల్లాలోని వజ్రకరూర్ మండలం చాబాలలో 37.62 ఎకరాలను, కడమాలకుంటలో 27.67 ఎకరాలను, రాగులపాడులో 21.75 ఎకరాల భూమిని 16.80 మెగా వాట్ల పవన విద్యుత్ ప్లాంట్‌కు కేటాయించారు. నెల్లూరు జిల్లా వెంకటాచలం మండలం అంకేపల్లిలో 0.5 ఎకరాలను ఎకరా ఏడున్నర లక్షల రూపాయల చొప్పున కల్యాణ మండపం కోసం కేటాయించారు. విశాఖ జిల్లా ఆనందపురం మండలం గంభీరంలో ఐఐఎంకు 241 ఎకరాల భూమిని కేటాయించడానికి కేబినెట్ ఆమోదం తెలిపింది. తాడేపల్లిగూడెంలో కడకట్ల, తాడేపల్లిగూడెం, కొండ్రుపోలు గ్రామాల్లోని 172 ఎకరాల భూమిని నిట్‌కు కేటాయించారు.
చిత్రం కేబినెట్ నిర్ణయాలను మీడియాకు
వెల్లడిస్తున్న మంత్రి పల్లె రఘునాథరెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.