రాష్ట్రీయం
అంతర్జాతీయ ఎర్ర చందనం స్మగ్లర్ బదానియా అనుచరుడు సోంబిత్ సింగ్ అరెస్టు
S ,7 à 8 RSCA (si SASPAS) et 6 cialis pharmacie cialis rapports de stage.
కడప, ఏప్రిల్ 2: అంతర్జాతీయ స్థాయి ఎర్రచందనం స్మగ్లర్, హర్యానా రాష్ట్రానికి చెందిన ముఖేష్ బదానియా ముఖ్య అనుచరుడు సోంబిత్ సింగ్‌ను శుక్రవారం రాత్రి కడప జిల్లా పోలీసులు అరెస్టుచేశారు. అదేవిధంగా అంతర్జాతీయ, అంతర్ రాష్ట్ర ఎర్రచందనం స్మగ్లర్లు మరో ఎనిమిది మందిని శనివారం వివిధ ప్రాంతాల్లో అరెస్టు చేశారు. ఒక ముఠా నుంచి రూ.3కోట్లు విలువచేసే ఎర్రచందనం దుంగలు, ఒక స్కార్పియో, ఆటో, మోటార్ సైకిల్‌ను స్వాధీనం చేసుకున్నారు. బదానియా కొన్ని సంవత్సరాలుగా జిల్లా నుంచి ఎర్రచందనం దుంగలను పట్టుకెళ్లి బొమ్మలు, రుద్రాక్ష మాలలు తయారుచేసి ప్రపంచవ్యాప్తంగా ఎగుమతి చేస్తుండగా ఆరు మాసాల క్రితం జిల్లా పోలీసులు హర్యానాలో అరెస్టు చేశారు. అ తర్వాత బదానియాకు అత్యంత సన్నిహిత అనుచరుడుగా ఉంటూ వ్యాపార లావాదేవీల్లో సంబంధాలు ఉన్న సోంబిత్ సింగ్ హైదరాబాద్‌లో మకాం వేసి ఎర్రచందనం దుంగలు స్మగ్లింగ్ చేస్తున్నాడు. సోంబిత్ సింగ్ శుక్రవారం రాత్రి కడప జిల్లా బద్వేలుకు రాగా, పోలీసులు గుర్తించి అరెస్టు చేశారు. అలాగే శేషాచలం అడవుల్లో ఎర్రచందనం స్మగ్లింగ్‌కు అడ్డాగా మారిన వాగేటికోన సమీపంలో పోలీసులు శనివారం ఉదయం కూంబింగ్ చేపట్టి 105 దుంగలను స్వాధీనం చేసుకున్నారు. వాటి విలువ రూ.3కోట్లు పైబడే ఉంటుందని నిర్ధారించారు. ఆ సమయంలో వందలాది మంది ఎర్రకూలీలు, కొంతమంది స్మగ్లర్లు పారిపోగా ఎనిమిది మందిని పోలీసులు పట్టుకున్నారు. వారిలో తమిళనాడు రాష్ట్రానికి చెందిన మంజుకుట్టి, హేమకుమార్, నటరాజ్‌తోపాటు చిత్తూరు జిల్లాకు చెందిన ఏ.వెంకటేశ్వర్లు, ఎల్.వెంకటేసులు, రైల్వేకోడూరు ప్రాంతానికి చెందిన నరసింహులు, నవీన్‌కుమార్‌లుగా గుర్తించారు. ఈ ముఠాకు అంతర్జాతీయ స్మగ్లర్లతో సంబంధాలు కలిగి ఉన్నట్లు పోలీసుల విచారణలో వెల్లడైంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.