రాష్ట్రీయం
ఉచిత, నిర్బంధ విద్య అమలు బాధ్యత మీదే
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 4: పిల్లలకు ఉచిత, నిర్బంధ విద్యను అమలు చేసేందుకు ఉద్దేశించిన 2009 చట్టాన్ని సమర్ధవంతంగా అమలు చేయాల్సిన బాధ్యత ఆంధ్రప్రదేశ్, తెలంగాణ రాష్ట్ర ప్రభుత్వాలదేనని హైకోర్టు స్పష్టం చేసింది. తాత్కాలిక ప్రధాన న్యాయమూర్తి జస్టిస్ దిలీప్ బి.బోసేల్, జస్టిస్ పి.నవీన్‌రావుతో కూడిన డివిజన్‌బెంచ్ సోమవారం ఈ ఆదేశాలు జారీ చేసింది. నాన్ మైనార్టీ అన్‌ఎయిడెడ్ స్కూల్స్‌లో 2009 ఉచిత, నిర్భంధ విద్య చట్టం అమలయ్యే విధంగా ఆదేశించాలని, 25 శాతం సీట్లను పేద విద్యార్థులకు ఆయా స్కూళ్లలో అమలు చేయాలని పలు పిటీషన్లు హైకోర్టులో దాఖలయ్యాయి. ఈ పిటీషన్లపై విచారణ చేపట్టిన హైకోర్టు విద్య అనేది పిల్లలకు ఉన్న హక్కు, ఈ హక్కును కాదని ప్రభుత్వాలు తప్పించుకోలేవని వ్యాఖ్యానించింది. తెలంగాణ ప్రభుత్వం తరఫున హైకోర్టుకు హాజరైన అదనపు అడ్వకేట్ జనరల్ జె.రామచంద్రరావు వివరణ ఇస్తూ ఈ కేసును మూడు వారాలకు వాయిదా వేయాలని కోరారు. ఈలోగా ప్రభుత్వం ఉచిత, నిర్భంధ విద్యపై సర్క్యులర్‌ను తయారు చేసి అన్ని ఎయిడెడ్, నాన్ ఎయిడెడ్ విద్యా సంస్థలకు జారీ చేస్తుందని వెల్లడించారు. అలాగే 25 శాతం సీట్లను ఉచితంగా అందించేందుకు కూడా ప్రభుత్వం ఆదేశిస్తుందని తెలిపారు. ఈ చట్టాన్ని సమర్ధవంతంగా అమలు చేయాలని ప్రభుత్వాలకు ఇప్పటికే చాలా అవకాశాలు ఇవ్వడం జరిగిందని బెంచ్ ఈ సందర్భంగా వ్యాఖ్యానించింది. రెండు వారాల్లోగా ఎపి, తెలంగాణ ప్రభుత్వాలు సర్క్యులర్‌లను జారీ చేయాలని, ఆ సర్క్యులర్ కాపీలను కోర్టు ముందు ఉంచాలని బెంచ్ ఆదేశించింది. అనంతరం ఈ కేసును రెండు వారాలు వాయిదా వేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.