రాష్ట్రీయం
అగ్నిగుండంగా మారిన ఆంధ్ర
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఏప్రిల్ 14: ఆంధ్ర రాష్ట్రం అగ్నిగుండంగా మారుతోంది. రోజురోజుకూ ఉష్ణోగ్రతలు తీవ్రమవుతున్నాయి. దీని ప్రభావం విద్యుత్ వాడకంపై తీవ్రంగా చూపుతోంది. రోడ్డెక్కేందుకు జనం భయపడుతున్నారు. ఇవి మరికాస్త పెరగవచ్చని విశాఖపట్నం వాతావరణ హెచ్చరిక కేంద్రం పేర్కొంది. ఆదివారం నమోదైన ఉష్ణోగ్రతల వివరాల ప్రకారం ఆంధ్ర రాష్ట్రంలో అత్యధికంగా తిరుపతి, అనంతపురం జిల్లాలకు సంబంధించి 42 డిగ్రీల ఉష్ణోగ్రతలు నమోదయ్యాయి. జంగమహేశ్వరపురంలో 42.2 డిగ్రీలు, కర్నూలు-42, నందిగామ-41.5, కళింగపట్నం-34, తుని-40, కాకినాడ-38, నర్సాపూర్-36, గన్నవరం-40, మచీలీపట్నం-36, బాపట్ల-34, ఒంగోలు-37, కావలి-38, నెల్లూరు-39 డిగ్రీల ఉష్ణోగ్రతల నమోదయ్యాయి. విశాఖపట్నంలో 39డిగ్రీలకు ఉష్ణోగ్రతలు చేరుకున్నాయి. శనివారం కంటే కూడా మరో డిగ్రీ అదనంగా పెరిగింది. సాధారణం కంటే కూడా మూడు డిగ్రీల అధికంగా ఉష్ణోగ్రతలు నమోదవుతున్నట్టు విశాఖపట్నం వాతావరణ హెచ్చరిక కేంద్రం పేర్కొంది. తునిలో నాలుగు నుంచి ఐదు డిగ్రీల ఉష్ణోగ్రతలు సాధారణం కంటే అధికంగా పెరిగాయని ఈ కేంద్రం వివరించింది. ఉష్ణోగ్రతల తీవ్రత, తీవ్ర ఉక్కపోత ఉంటోంది.
60ఎంయూకి మించిన విద్యుత్...
ఆంధ్రప్రదేశ్ ఈస్ట్రన్ పవర్ డిస్ట్రిబ్యూషన్ కంపెనీ (ఏపీఈపీడీసీఎల్) పరిధిలోకి వచ్చే శ్రీకాకుళం, విజయనగరం, విశాఖపట్నం, తూర్పు, పశ్చిమగోదావరి జిల్లాలకు సంబందించి 58 లక్షల విద్యుత్ కనెక్షన్లు ఉండగా, వీటి ద్వారా రోజుకీ 60 మిలియన్ యూనిట్ల (ఎంయు) నుంచి 64 ఎంయూకి విద్యుత్ వాడకం పెరుగుతోంది. ఎండల తీవ్రతను బట్టి ఇది కూడా మరికొంత మేర పెరిగే అవకాశాలున్నట్టు సంస్థ వర్గాలు చెబుతున్నాయి. సౌరశక్తి, గాలి విద్యుత్ ప్రత్యామ్నాయంగా అందుబాటులోకి వస్తున్నందున విద్యుత్ సమస్యలు తలెత్తడం లేదని సంస్థ వర్గాలు చెబుతున్నాయి. ఇందులో పరిశ్రమలు అత్యధికంగా కలిగి ఉన్న విశాఖ జిల్లాకు సంబంధించి ప్రస్తుతం ప్రతిరోజు 23 మిలియన్ యూనిట్ల విద్యుత్ వాడకం ఉంటుండగా, గత మార్చి నుంచి ఐదు జిల్లాలకు సంబంధించి 58ఎంయు నుంచి క్రమేపీ పెరుగుతూ దాదాపు 64 మిలియన్ యూనిట్లకు చేరుకుంది.
చిత్రం... విశాఖ చినవాల్తేర్ వద్ద గొడుగుల రక్షణలో వెళ్తున్న చిన్నారులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.