రాష్ట్రీయం
తిరుమలాయపాలెం జడ్పీటీసీకి 106 నామినేషన్లు
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం: ప్రభుత్వ విధానాలపై నిరసన వ్యక్తం చేస్తూ ఎన్నికల్లో నామినేషన్లు దాఖలు చేయడం ఇంతకాలం చూశాం. కానీ పార్టీ విధానాలకు నిరసనగా నామినేషన్లు దాఖలు చేయడం దేశంలోనే తొలిసారిగా జరిగింది. తెలంగాణలో జరుగుతున్న ఎంపీటీసీ, జడ్పీటీసీ ఎన్నికల్లో అధికార టీఆర్‌ఎస్ నేతల వైఖరికి నిరసనగా ఖమ్మం జిల్లా తిరుమలాయపాలెం జడ్పీటీసీ స్థానానికి భారీగా నామినేషన్లు దాఖలయ్యాయి. ఈ స్థానం జనరల్‌కు కేటాయించడంతో మొత్తం 106 మంది నామినేషన్లు దాఖలు చేశారు. వీరిలో వివిధ పార్టీలకు చెందిన వారు ఆరుగురు కాగా, మిగిలిన 100 మంది టీఆర్‌ఎస్ కార్యకర్తలే. తిరుమలాయపాలెం జడ్పీటీసీ స్థానం జనరల్‌కు కేటాయించడంతో పార్టీలో ప్రధాన నేతలుగా ఉంటూ ఆది నుంచి పనిచేసిన నరేష్‌రెడ్డి, వేణుగోపాల్, లక్ష్మయ్య లాంటి వారు టికెట్ ఆశించారు. కానీ ఇటీవలి అసెంబ్లీ ఎన్నికల్లో పాలేరు టీఆర్‌ఎస్ అభ్యర్థి తుమ్మల నాగేశ్వరరావుపై విజయం సాధించిన కాంగ్రెస్ నేత కందాల ఉపేందర్ రెడ్డి తరువాత టీఆర్‌ఎస్‌లో చేరడంతో ఎంపీటీసీ, జెడ్పీటీసీ అభ్యర్థుల ఎంపిక బాధ్యతను టీఆర్‌ఎస్ అధిష్టానం ఆయనకే అప్పగించింది. దీంతో ఎమ్మెల్యే కందాల తన బంధువైన కందాల క్రాంతికుమార్‌కు తిరుమలాయపాలెం జడ్పీటీసీ స్థానం కేటాయించారు. దీన్ని వ్యతిరేకిస్తూ తిరుమలాయపాలెం మండలంలోని టీఆర్‌ఎస్ నేతలంతా నామినేషన్లు దాఖలు చేశారు. ప్రతి గ్రామం నుంచి కనీసం ఇద్దరు నామినేషన్లు దాఖలు చేయడం విశేషం. అయితే నామినేషన్లు వేసేవారిని వారించే పరిస్థితి కూడా లేకుండాపోయింది. జిల్లా స్థాయి నేతలు నామినేషన్లు వేయవద్దని విన్నవిస్తే అసెంబ్లీ ఎన్నికల్లో టీఆర్‌ఎస్ గెలుపు కోసమే ప్రయత్నించామని, ఇప్పుడు కొత్తగా పార్టీలోకి వచ్చినవారు అధికారం చెలాయిస్తామంటే ఊరుకోబోమని, స్వతంత్రంగా బరిలో ఉంటామని హెచ్చరించడంతో వారు వెనుదిరిగారు. మాజీ మంత్రి తుమ్మల నాగేశ్వరరావు జోక్యం చేసుకున్నప్పటికీ నామినేషన్లు వేసిన నేతలు పట్టించుకోక పోవడం గమనార్హం. ఇదే పరిస్థితి కూసుమంచి, నేలకొండపల్లి, ఖమ్మం రూరల్ మండలాల్లోనూ కనిపించింది. అయితే ఆ మండలాల్లో టీఆర్‌ఎస్ రెబల్ అభ్యర్థులుగా ఒకరిద్దరు మాత్రమే నామినేషన్లు దాఖలు చేశారు. అభ్యర్థులుగా ఎమ్మెల్యే కందాల తన అనుచరులకు మాత్రమే బీ-్ఫరాలు అందించడంతో తాము స్వతంత్రంగా బరిలో ఉంటామంటూ సీనియర్ నేతలు భీష్మించారు. మరోవైపు వీరు చివరి వరకు పోటీలో ఉంటామంటే మద్దతిచ్చేందుకు ప్రతిపక్ష పార్టీలు కూడా ముందుకొచ్చాయి. తమ పార్టీలో చేరకపోయినా మద్దతిస్తామంటూ విపక్ష పార్టీల నేతలు ముందుకు రావడం విశేషం. టీఆర్‌ఎస్ అధికారిక అభ్యర్థిని ఓడించడమే లక్ష్యంగా పనిచేస్తామని సైతం వారు ప్రకటించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.