రాష్ట్రీయం
పోలీస్ పంపకాలు పూర్తి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 10: ఆంధ్రప్రదేశ్ పునర్విభజన చట్టం ప్రకారం ఆంధ్రప్రదేశ్, తెలంగాణ రాష్ట్రాల మధ్య వివిధ క్యాడర్ల ఉద్యోగుల విభజన ప్రక్రియను కమలనాథన్ కమిటీ కొలిక్కి తీసుకువచ్చింది. ఉద్యోగుల విభజనలో క్లిష్టమైన పోలీసు శాఖలో విభజన ప్రక్రియను ఎట్టకేలకు పూర్తి చేసింది. ఆంధ్రప్రదేశ్ స్పెషల్ పోలీస్ (ఎపిఎస్‌పి), ఆర్మ్‌డ్ రిజర్వు (ఎఆర్), హైదరాబాద్ నగర పోలీసు విభాగాల్లో ఆంధ్రప్రదేశ్, తెలంగాణ రాష్ట్రాల మధ్య ఉద్యోగుల విభజన పూర్తి చేసి ప్రధాన ప్రక్రియను పూర్తి చేసింది. కానిస్టేబుల్ నుంచి ఇన్‌స్పెక్టర్ వరకు ఎపిఎస్‌పి, ఎఆర్ విభాగంలో 18 వేలమంది ఉద్యోగులు ఉన్నట్లు ఆయా విభాగాల అధిపతులు కమలనాథన్ కమిటీకి నివేదికలను అందించారు. ఇందుకు సంబంధించిన సమగ్ర నివేదికను ఇటీవల కేంద్ర హోంశాఖకు కమలనాథన్ కమిటీ పంపించింది. కేంద్రం ఈ నివేదికను ఆమోదించగానే ఉద్యోగుల విభజన జరుగుతుంది. ఈ ఏడాది ఫిబ్రవరి 28న కమిటీ హైదరాబాద్‌లో సమావేశమై విభజన అనంతరం ఏయే రాష్ట్రానికి ఎంతమంది ఉద్యోగులు వెళ్లాల్సి ఉంటుందనే అంశంపై జాబితా తయారు చేశారు. అనంతరం అభ్యంతరాలు ఏదైనా ఉంటే తెలియజేయాలని సంబంధిత విభాగాలకు కమిటీ తెలియజేసింది. అనంతరం కమలనాథన్ నేతృత్వంలో కమిటీ ప్రతినిధులు ఎల్.ప్రేమ్‌చంద్రారెడ్డి (ఎపి), ఎస్.రామకృష్ణరావు (తెలంగాణ), కేంద్ర పర్సనల్, ట్రైనింగ్ శాఖ డైరక్టర్ ఇటీవల హైదరాబాద్‌లో సమావేశమై ఆయా పోలీసు విభాగాల అధిపతుల నుంచి అభ్యంతరాలను స్వీకరించారు. ఆ తర్వాత తుది జాబితాను తయారు చేసి కేంద్రానికి కమిటీ పంపించింది. ఇదిలావుంటే పోలీసు శాఖ తర్వాత మరో పెద్ద విభజన ప్రక్రియ వైద్య, ఆరోగ్య శాఖలో చేపట్టాల్సి ఉంది. కానీ ఆ శాఖలో ఇంతవరకు ఉద్యోగుల విభజనకు ఒక్క అడుగు కూడా ముందుకు పడలేదు. ఎపిఎస్‌పి తర్వాత అధికంగా వైద్య ఆరోగ్య శాఖలో 10 వేల మంది ఉద్యోగులు ఉన్నారు. ఉద్యోగుల సంఖ్య వివరాలను ఆయా శాఖాధిపతులు ఇంతవరకు ఇవ్వని కారణంగా ఈ శాఖలో ఉద్యోగుల విభజన పూర్తి కాలేదు. ఉద్యోగుల సంఖ్య విషయంలో ఈ శాఖ పరిధిలో పని చేస్తున్న డాక్టర్లు తమ స్థానికత నిర్థారణకు పాఠశాల విద్య ధృవపత్రాలను ఇంతవరకు సమర్పించలేదు. ఎపి, తెలంగాణ రాష్ట్రాల్లో ఇదే పరిస్థితి ఉండడంతో ఎవరైతే పాఠశాల విద్య ధృవపత్రాలను సమర్పించలేదో వారిపై చర్యలు తీసుకునేందుకు సర్క్యులర్ జారీ చేయాలని కమలనాథన్ కమిటీ నిర్ణయించింది. ఇదిలావుంటే మొత్తం మీద 90 శాఖల్లో 153 విభాగాల్లోని ఉద్యోగులను స్థానికత నిర్థారణ సహా మరికొన్ని అంశాలను పరిగణనలోకి తీసుకుని ఇరు రాష్ట్రాలకు పంపిణీ చేయాల్సి ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.