రాష్ట్రీయం
వివాదానికి కేంద్ర బిందువు శాతవాహన వర్శిటీ
S ,7 à 8 RSCA (si SASPAS) et 6 cialis pharmacie cialis rapports de stage.
కరీంనగర్, మే 15 దేశ ప్రగతికి పట్టుకొమ్మల్లాంటి మేధావులను అందించిన కరీంనగర్ శాతవాహన విశ్వవిద్యాలయం నేడు వివాదాలకు వేదికవుతోంది. తెలంగాణ విద్యార్థి వేదిక మావోయిస్టులకు అనుబంధంగా పనిచేస్తూ సభ్యత్వాల నమోదు ముమ్మరం చేసిందని సోషల్ మీడియాలో వైరల్ కావడం, వెంటనే మావోయిస్టులతో టీవీవీకి ఎలాంటి సంబంధాలు లేవని, కావాలనే మావోయిస్టులతో అనుబంధం కొనసాగిస్తున్నట్లు ముద్రవేయడం విచారకరమని టీవీవీ రాష్ట్ర అధ్యక్షుడు మద్దిలేటి వెల్లడించగా, వెనువెంటనే సీపీ వి.బి.కమలాసన్ రెడ్డి ప్రెస్‌మీట్ ఏర్పాటు చేసి టీవీవీకి మావోయిస్టులతో సంబంధాలు ఉన్నట్టు ఆధారాలు ఉన్నాయని వెల్లడించడం పోటా పోటీగా బుధవారం ప్రెస్‌మీట్‌లు ఏర్పాటు చేయడంతో కరీంన‘గరం..గరం’గా మారింది. దేశ ప్రగతికి పట్టుకొమ్మల్లాంటి విశ్వవిద్యాలయాల్లోని విద్యార్థులను మావోలు పావులుగా వాడుకునేందుకే టీవీవీ పేర సభ్యత్వ నమోదవుతుందని, నక్సలైట్ల బాధిత కుటుంబాల సంక్షేమ సంఘం పేర సోషల్ మీడియాలో వైరల్ అవుతున్న దాని ఆధారంగా ఒక్కసారిగా అధికార యంత్రాంగంలో కదలిక వచ్చింది. ప్రభుత్వం కూడా తీవ్రంగానే స్పందిస్తోంది. ఆ దిశగానే విచారణను ముమ్మరం చేశారు. అందరి చూపు ఆ విశ్వవిద్యాలయంపై పడింది. అనేక ఆవిష్కరణలకు వేదికైన ఆ విశ్వవిద్యాలయం గతానే్న మార్చేసాయి. గతమెంతో ఘనకీర్తి శాతవాహన యూనివర్సిటీ కానీ రెండు విద్యార్థి సంఘాల మధ్య చిలికి చిలికి గాలివానలా మొదలైన వివాదం తారా స్థాయికి చేరింది. ఒకరిపై మరొక సంఘం ఆరోపణలు, ప్రత్యారోపణలు చేసుకుంటున్నాయి. సీపీ కమలాసన్ రెడ్డి కలుగ చేసుకొని టీవీవీకి మావోయిస్టులతో సంబంధాలు ఉన్నట్టు ఆధారాలు ఉన్నాయని వెల్లడించే పరిస్థితికి చేరింది. రెండు విద్యార్థి సంఘాల మధ్య మొదలైన విభేదాలు టీవీవీ మావోయిస్టులతో సంబంధాలు అంటగట్టే స్థాయికి చేరాయి. ఇక్కడ అసలేం జరుగుతుందో అర్థం కాని పరిస్థితి ఏర్పడగా, విద్యార్థులు భద్రాచలం స్టడీ టూర్‌కు వెళ్లిన మాట వాస్తవమేనని, మావోయిస్టు అనుబంధంగా సభ్యత్వాల నమోదు ఇక్కడ జరుగుతుందని వస్తున్న ఆరోపణల్లో వాస్తవం లేదని రిజిస్ట్రార్ ప్రొఫెసర్ ఉమేష్ కుమార్ కూడా వెల్లడించారు. ఏది ఏమైనా ఆరని జ్వాలకు కరీంనగర్ శాతవాహన యూనివర్సిటీ వేదిక కావడం ఇందుకు ఇరు విద్యార్థి సంఘాలు ఆజ్యం పోసుకుంటుండడం అందరినీ ఆలోచనలో పడేయగా ఉన్నతాధికారులతో పాటు ప్రభుత్వం చూపు శాతవాహన యూనివర్సిటీపై పడడం, ఆ దిశగానే విచారణను ముమ్మరం చేయడం, నిఘా కొనసాగించడం, ఆరోపణలు, ప్రత్యారోపణలతో శాతవాహన యూనివర్సిటీ అట్టుడికిపోతుండడం గమనార్హం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.