రాష్ట్రీయం
స్మార్ట్ విలేజ్‌గా యాదాద్రి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 12: యాదాద్రి పట్టణాన్ని స్మార్ట్ విలేజ్‌గా అభివృద్ధి చేసేందుకు మూడు నెలల్లోగా అవసరమైన పనులతో ప్రణాళిక రూపొందించాలని ప్రభుత్వ ప్రధాన కార్యదర్శి ఎస్‌కే జోషి సంబంధిత అధికారులకు ఆదేశాలు జారీ చేశారు. యాదాద్రి టెంపుల్ డెవలప్‌మెంట్ అథారిటీ (వైటీడీఏ) సమీక్ష కమిటీ సమావేశం సీఎస్ అధ్యక్షతను బుధవారం జరిగింది. ఈ సందర్భంగా జోషి మాట్లాడుతూ, యాదాద్రి పట్టణంలో అండర్‌గ్రౌండ్ డ్రైనేజీ, కేబుళ్లు, వీధిదీపాలు, సెంట్రల్ లైటింగ్ సిస్టం, వాననీళ్ల ప్రవాహం పైపులు వేయడం, రోడ్లు, ఫుట్‌పాత్‌లు, పార్క్‌లను అభివృద్ధి చేయాల్సి ఉందన్నారు. యాదాద్రిలో వేదపాఠశాల నిర్మాణానికి 16 ఎకరాల దేవాదాయ భూమిని కేటాయించామని, దాంతో వేదపాఠశాల భవన నిర్మాణానికి సంబంధించిన పనులను యుద్ధప్రాతిపదికన పూర్తిచేయాలన్నారు. బస్వాపూర్ చెరువును పర్యాటక కేంద్రంగా అభివృద్ధి చేసేందుకు చర్యలు తీసుకోవాలని కోరారు. రాయగిరి, గండిచెరువు, పెద్ద చెరువు, మల్లాపూర్ చెరువు సైదాపూర్ చెరువుల అభివృద్ధి పనులను కూడా సమీక్షించారు. శిల్పకళా విద్యాసంస్థలో చదువుకుంటున్న విద్యార్థుల సేవలను వినియోగించుకోవాలని సీఎస్ సూచించారు. ఈ సమావేశంలో రెవెన్యూ శాఖ ప్రత్యేక ప్రధాన కార్యదర్శి రాజేశ్వర్ తివారీ, నీటిపారుదల శాఖ ప్రత్యేక ప్రధాన కార్యదర్శి సోమేష్ కుమార్, మున్సిపల్ శాఖ ముఖ్యకార్యదర్శి సునీల్ శర్మ, దేవాదాయ శాఖ ముఖ్యకార్యదర్శి అనిల్ కుమార్, యాదాద్రి భువనగిరి జిల్లా కలెక్టర్ అనితా రామచంద్రన్, దేవాలయ ఈఓ గీత తదితరులు పాల్గొన్నారు.
చిత్రం...ఉన్నతాధికారులతో యాదాద్రిపై సమీక్షిస్తున్న ప్రభుత్వ ప్రధాన కార్యదర్శి సీఎస్. జోషి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.