రాష్ట్రీయం
రూపాయకే అంతిమ యాత్ర
S ,7 à 8 RSCA (si SASPAS) et 6 cialis pharmacie cialis rapports de stage.
కరీంనగర్ టౌన్, జూన్ 16: పేద,మద్య తరగతి కుటుంబాల దహన సంస్కారాల ఇబ్బందులు తొలగించేందుకు కరీంనగర్ నగరంలో నూతనంగా చేపట్టిన ఒక్క రూపాయికే అంతిమయాత్ర ఆఖరీ సఫర్ కార్యక్రమం ఆదివారం లాంఛనంగా ప్రారంభమైంది. స్థానిక 27వ డివిజన్ భవానీనగర్‌లో కట్టరాంపూర్‌కు చెందిన మాచర్ల లలిత మృతదేహానికి పాడె కట్టి, మోసి మేయర్ రవీందర్‌సింగ్ ప్రారంభించారు. అనంతరం మాట్లాడుతూ, అంతిమ వీడ్కోలు యాత్ర ఓ సామాజిక బాధ్యతగా భావించి, దేశంలోనే మొదటిసారి నగరంలో చేపట్టినట్టు వెల్లడించారు. దహన సంస్కారాలు చేయటం దైవ కార్యానికి సమానమని, పేద ప్రజల కోసం ఈ పథకానికి శ్రీకారం చుట్టి ఆచరణలో పెడుతున్నట్టు తెలిపారు. ఈ పథకానికి ఇప్పటికే రూ.1.50 కోట్లు కేటాయించగా, దాతల నుంచి కూడా భారీగానే విరాళాలు వస్తున్నాయని, వీటికోసం ప్రత్యేకంగా ఒక బ్యాంకు ఖాతాను కూడా తెరిచినట్టు పేర్కొన్నారు. ఒక్కో కార్యక్రమానికి రూ.6 నుంచి రూ.10 వేల మద్య ఖర్చు వస్తుందని, సంప్రదాయంగా చేసే కార్యక్రమాలతో పాటు వాయిద్యాలు, డప్పు చప్పుళ్ళు కూడా ఏర్పాటు చేసినట్టు, కుల, మతాలకతీతంగా కార్యక్రమం నగర పాలక సంస్థ ద్వారా నిర్వహిస్తామని చెప్పారు. ఈ కార్యక్రమంలో పారిశుధ్య పర్యవేక్షకుడు వేణుగోపాల్, జవాన్ త్యాగరాజు, టీఆర్‌ఎస్ నాయకులు సోహాన్‌సింగ్, తదితరులు పాల్గొన్నారు.
చిత్రం...పాడె మోస్తున్న మేయర్ రవీందర్‌సింగ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.