రాష్ట్రీయం
గవర్నర్‌తో కేసీఆర్ భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 18: తెలంగాణ గవర్నర్ ఈఎస్‌ఎల్ నరసింహన్‌తో గురువారం ముఖ్యమంత్రి కల్వకుంట్ల చంద్రశేఖర్‌రావు భేటీ అయ్యారు. నరసింహన్ ఇంతకాలం తెలుగు రాష్ట్రాలకు ఉమ్మడి గవర్నర్‌గా వ్యవహరించారు. ఆంధ్రప్రదేశ్‌కు ప్రత్యేకంగా మరో గవర్నర్‌ను కేంద్రం ప్రకటించిన తరువాత నరసింహన్‌తో కేసీఆర్ భేటీ కావడం ఇదే తొలిసారి. మరోవైపు తెలంగాణ రాష్ట్రానికి కూడా త్వరలో కొత్త గవర్నర్‌ను నియమించనున్నట్టు వార్తలొస్తున్న నేపథ్యంలో సీఎం కేసీఆర్‌ను ఆయన్ను కలవడం ప్రాధాన్యతను సంచరించుకుంది. అయితే అలాంటిదేమి లేదు, శాసనసభ సమావేశాలు ప్రారంభం సందర్భంగా గవర్నర్‌తో సీఎం భేటీ కావడం అనవాయితీగా వస్తుందని, ఈ కారణంగానే కలిసారని సీఎంఓ వర్గాలు అంటున్నాయి. ఈ సందర్భంగా తెలంగాణకు కొత్త గవర్నర్ వచ్చే అవకాశం ఉందా? అనే విషయాన్ని కూడా సీఎం కేసీఆర్ ఆరా తీసినట్టు తెలిసింది. కేంద్ర హోం శాఖ సలహాదారుగా (జమ్మూ-కాశ్మీర్) నరసింహన్‌ను నియమించే అవకాశం ఉందన్న ప్రచారం కూడా బీజేపీ వర్గాల సమాచారం. ఇలా ఉండగా శాసనసభ రెండు రోజుల సమావేశం, కొత్త మున్సిపల్ చట్టంతో పాటు ఆర్డినెన్స్‌ల స్థానంలో తీసుకొచ్చిన చట్టాలు తదితర అంశాలను భేటీ సందర్భంగా గవర్నర్‌కు సీఎం వివరించినట్టు తెలిసింది. అలాగే కొత్త సచివాలయం, శాసనసభ సముదాయం నిర్మాణాలు దీనిపై హైకోర్టులో కేసు తదితర అంశాలు కూడా చర్చకు వచ్చినట్టు సమాచారం.
చిత్రం...గవర్నర్ నరసింహన్‌తో సమావేశమైన ముఖ్యమంత్రి కేసీఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.