రాష్ట్రీయం
మావోయిస్టుల అలజడి
S ,7 à 8 RSCA (si SASPAS) et 6 cialis pharmacie cialis rapports de stage.
వరంగల్, ఏప్రిల్ 16: తెలంగాణ రాష్ట్రం ఏర్పడిన తర్వాత కాస్త తగ్గుముఖం పట్టిన మావోయిస్టుల కార్యకలాపాలు మళ్లీ పుంజుకుంటున్నాయి. వరంగల్ జిల్లా ములుగు మండలం మల్లంపల్లిలో ఇటీవల ప్రొక్లెయినర్ల దగ్ధానికి పాల్పడిన మావోయిస్టులు తాజాగా తాడ్వాయి మండలకేంద్రంలో శుక్రవారం రాత్రి అటవీశాఖకు చెందిన జీపు, గుడిసెను దగ్ధం చేశారు. ఆ సంఘటన స్థలంలో ఒక లేఖను కూడా వదిలివెళ్లారు. హరితహారం పేరుతోఆదివాసుల భూములు, పీడిత వర్గాల ప్రజల భూములను లాక్కోవడం ప్రభుత్వం మానుకోవాలని ఆ లేఖలో మావోలు హెచ్చరించారు. ఆదివాసుల భూములను లాక్కుంటే ఖతం చేస్తామని హెచ్చరించారు. ఓపెన్ కాస్టులను ప్రభుత్వం విరమించుకోవాలని, టైగర్ ఎటూరునాగారం ప్రాజెక్ట్ ప్రతిపాదన విరుమించుకోవాలని వారు డిమాండ్ చేశారు. ఇటీవల కాలంలో జిల్లాలో మావోయిస్టుల కార్యకలాపాలు చాపకింద నీరులా విస్తరిస్తున్నాయని ఇంటలిజెన్స్ అధికారులు ఇప్పటికే పోలీసు యంత్రాంగాన్ని అప్రమత్తం కూడా చేశాయి. ఏజెన్సీ ప్రాంతాలైన ములుగు, తాడ్వాయి, ఏటూరునాగారం తదితర ప్రాంతాల్లో మావోల కార్యకలాపాలు జరుగుతున్నాయని పోలీసులకు సమాచారం అందింది. తాజా సంఘటన పట్ల జిల్లా పోలీసు యంత్రాంగం అప్రమత్తమై ఈ సంఘటనను అన్ని కోణాల్లో పరిశీలిస్తున్నారు. ఇదిలాఉండగా ఈసంఘటనకు బాధ్యునిగా భావిస్తూ మావోయిస్టు నేత, కేకేడబ్ల్యు కార్యదర్శి దామోదర్‌సహా మరికొందరిపై పోలీసులు కేసులు నమోదు చేశారు.
చిత్రం తాడ్వాయి మండలంలో మావోలు దగ్ధం చేసిన అటవీశాఖకు చెందిన జీపు, గుడిసె
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.