రాష్ట్రీయం
తప్పుల తడకలతో రైల్వే టైమ్ టేబుల్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 8: రోజూ లక్షలాది మంది ప్రయాణికులను గమ్యానికి చేర్చుతున్న దక్షిణ మధ్య రైల్వే టైమ్ టేబుల్స్‌ను చూసి ప్రయాణికులు తీవ్ర గందరగోళానికి గురవుతున్నారు. టైమ్ టేబుల్స్‌లోని తప్పులు గుర్తించి, రోజూ రైల్వే అధికారులకు ఫిర్యాదులు చేస్తున్నా పట్టించుకోవడం లేదని ప్రయాణికులు విమర్శిస్తున్నారు.
కొత్త రైళ్లు ఏర్పాటు, ప్రస్తుతం ఉన్న రైళ్లను పొడిగించడం, రద్దీ స్టేషన్ల గుర్తించిన వాటిపై టైమ్ టేబుల్స్‌ను ప్రకటించడం జరుగుతోంది. రైళ్ల ప్రయాణ సమయాలను ఏడాదికి ఒకసారి బుక్‌లెట్‌ను ప్రకటిస్తారు. ఈ ఏడాది ఆగస్టు 1న రైళ్ల ప్రయాణ సమయాలను తెలుపుతూ ప్రకటనలు చేశారు. రైళ్ల సమయాలను ప్రకటించే ముందు వెనకా చూడకుండా సమయాలను ప్రకటించేశారు. ఈ బుక్‌లెట్లలో రైళ్ల సమయాల్లో తప్పులు దొర్లాయి. ఏ రైలు ఎప్పుడు వస్తుందో, ఏ రైలు ఎప్పుడు వెళుతుందో చెప్పే టైమ్ టేబుల్స్‌లో చూపిస్తున్న వివరాలు ప్రయాణికులను గందరగోళానికి గురి చేస్తోంది. దక్షిణ మధ్య రైల్వే అధికారులు నిర్వాకంతో తమ ప్రయాణ సమయం వృథా అవుతోందని ప్రయాణికులు వాపోతున్నారు.
హైదరాబాద్, సికింద్రాబాద్, కాచిగూడ, లింగంపల్లి రైల్వే స్టేషన్ల నుంచి రోజూ 157 రైళ్లు రాకపోకలు సాగిస్తున్నాయి. ముఖ్యంగా దూర ప్రాంతాలకు వెళ్లే రైళ్ల సమయాల్లో గంటల సమయం తేడాలు ఉన్నాయి. కొన్ని రైళ్లు రోజూ నడుస్తున్నాయని టైమ్ టేబుల్స్‌లో ప్రకటించారు. అయితే ఆ రైళ్లు వారానికి మూడుసార్లు రాకపోకలు సాగిస్తున్నాయి. న్యూఢిల్లీ నుంచి తిరుపతి వెళ్లే ఏపీ సంపర్క్ ఎక్స్‌ప్రెస్ రైలు రోజూ నడుస్తుందని టైమ్ టేబుల్స్‌లో ప్రకటించారు. ఆ రైలు వారానికి మూడు రోజులు నడుస్తుంది. హైదరాబాద్ - హౌరా వెళ్లే రైలు రాకపోకల్లో తేడాలు ఉన్నాయి. టైమ్ టైబుల్స్‌లో వెళ్లేది ఉదయం 10.20 గంటలకు సూచిస్తోంది. ఆ రైలు ఉదయం 9.50 గంటలకు వెళుతుందని ప్రకటనలో సూచిస్తోంది. హైదరాబాద్ నుంచి బీజాపూర్‌కు వెళ్లే రైలు రాత్రి 7.45 గంటలకు చూపిస్తుంది. అయితే వచ్చేది ఎన్ని గంటలకు అన్న సమాచారం లేదు. బీదర్- హైదరాబాద్ వెళ్లే రైలు ఎన్ని గంటలకు చూపించకుండా వచ్చేది 10.25 గంటలకు చూపిస్తోంది. దూర ప్రాంతాలకు వెళ్లే ప్రయాణికులు ముందుగా టికెట్లు రిజర్వు చేసుకోవాలంటే టైమ్ టేబుల్స్‌లో రైళ్ల రాకపోకలు చూసి ఆశ్చర్యపోతున్నారు. ప్రయాణికుల రద్దీని దృష్టిలో పెట్టుకుని సీజన్ల వారీగా ప్రత్యేక రైళ్లను ఏర్పాటు చేస్తున్నామని అధికారులు ప్రకటన చేస్తుంటారు. అయితే ఆ గడువు దాటినా అదే ప్రకటనను మీడియాకు విడుదల చేయడం గమనార్హం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.