రాష్ట్రీయం
ఇంకుడు గుంతలే కరవుకు పరిష్కారం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 19: ఈ ఏడాది దేశవ్యాప్తంగా నెలకొన్న కరవు, అనావృష్టి పరిస్థితుల నుంచి బయటపడి నీటి ఎద్దడి తలెత్తకుండా నివారించేందుకు కేంద్ర, రాష్ట్ర ప్రభుత్వాలు ముందస్తు చర్యల్లో భాగంగా నీటి నిల్వ విధానాలను అమలు చేయాలని భారత అంతరిక్ష పరిశోధనా సంస్థ (ఇస్రో) మాజీ చైర్మన్ జి.మాధవన్ నాయర్ సూచించారు.
ప్రతి వర్షపు బొట్టును ఒడిసి పట్టుకోవడం, నీటి యాజమాన్య పద్ధతులను అమలు చేయడం ద్వారా నీటి ఎద్దడిని జయించవచ్చన్నారు. నదీ ఒడ్డున చెక్ డ్యామ్‌లను నిర్మించడం, భూగర్భ జలాలను పరిరక్షించుకోవడం, ఇంకుడు గుంతలు తవ్వడం, భూగర్భ జలాల దుర్వినియోగాన్ని అరికట్టడం అవసరమని ఆయన పేర్కొన్నారు. వర్షపు నీరు సముద్రం పాలు కాకుండా చూడాల్సిన అవసరం ఉందన్నారు. మంగళవారం హైదరాబాద్‌లో ఒక కార్యక్రమంలో పాల్గొనడానికి వచ్చిన ఆయన తనను కలిసిన విలేఖర్లతో ముచ్చటించారు. భూగర్భ జల వనరుల గుర్తింపు కోసం కరవు ప్రాంతాల్లో సర్వే జరగాలని, ఇందుకు ఇస్రో సేవలను వినియోగించుకోవాలన్నారు. ఇళ్ల పైకప్పుల మీద కూడా వర్షపు నీటిని నిల్వ చేసి ఇంకుడు గుంతల్లోకి మళ్లించాలన్నారు. దేశంలో కరవు నివారణ దిశగా పరిశోధనలు జరగడంలేదన్నారు. మంచినీరు, ఆహారోత్పత్తిని పెంచడం, హెల్త్‌కేర్ రంగాలపై కేంద్ర, రాష్ట్ర ప్రభుత్వాలు పరిశోధన చేపట్టాలన్నారు. రాజస్థాన్, మధ్యప్రదేశ్‌లో కరవు పరిస్థితులపై ఇస్రో 2005లోనే సర్వేలు జరిపి నివేదికలు ఇచ్చిందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.