రాష్ట్రీయం
అన్నమయ్య పాటకు పట్ట్భాషేకం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 30: అన్నమయ్య కీర్తనలకు ప్రాచుర్యం కల్పించేందుకు తిరుమల తిరుపతి దేవస్థానం (తితిదే) ‘అన్నమయ్య పాటకు పట్ట్భాషేకం’ పేరుతో ఒక బృహత్ ప్రణాళికను రూపొందించింది.
ఇప్పటికీ వెలుగులోకి రాని అన్నమయ్య కీర్తనలను వెలికితీసి ప్రజలకు అందించాలన్నదే ఈ ప్రణాళిక ప్రధాన ఉద్దేశం. ఈ ప్రణాళిక విధివిధానాల గురించి తితిదే చైర్మన్ చదలవాడ కృష్ణమూర్తి, ఎగ్జిక్యూటివ్ ఆఫీసర్ డాక్టర్ డి.సాంబశివరావు శనివారం ఇక్కడ మీడియా ప్రతినిధులకు వివరించారు. హైదరబాద్‌లోని శ్రీవేంకటేశ్వర భక్తి చానల్ (ఎస్‌విబిసి) కార్యాలయంలో కృష్ణమూర్తి మాట్లాడుతూ పదకవితా పితామహుడు అన్నమాచార్యులు శ్రీవేంకటేశ్వరస్వామిని స్తుతిస్తూ 32 వేల కీర్తనలు రాయగా, అందులో 14 వేల కీర్తనలు మాత్రమే లభించాయన్నారు. ఇప్పటి వరకు రెండువేల సంకీర్తనలకు మాత్రమే బాణీలు కట్టారని, మిగతా కీర్తనలకు బాణీలు కట్టి ప్రజలకు అందించాలన్న ప్రయత్నమే అన్నమయ్య పాటకు పట్ట్భాషేకం కార్యక్రమం ప్రధాన ఉద్దేశమని వివరించారు.
ఈ కార్యక్రమాన్ని ఎస్‌విబిసి 2016 మే 21 నుండి టెలికాస్ట్ చేస్తుందన్నారు. ప్రతి శనివారం, ఆదివారం రోజూ రెండుగంటల పాటు ప్రసారాలు ఉంటాయన్నారు. 26 వారాలపాటు 52 ఎపిసోడ్‌లు ప్రసారమవుతాయని కృష్ణమూర్తి వివరించారు. అన్నమయ్య కీర్తనల మీద విశేషంగా కృషి చేసిన గాయనీగాయకులు, సంగీత దర్శకులు, రచయితలు తదితరులు ఎస్‌విబిసిలో ప్రసారమయ్యే ప్రతి ఎపిసోడ్‌లో భాగస్వాములు అవుతారని వివరించారు.
తితిదే పాలక మండలి సభ్యుడు, దర్శకుడు కె.రాఘవేంద్రరావు నేతృత్వంలో ప్రముఖ సంగీత దర్శకులు ఎం.ఎం. కీరవాణి సారథ్యంలో ఈ కార్యక్రమం రూపుదిద్దుకుంటోందని తితిదే చైర్మన్ పేర్కొన్నారు. ప్రముఖ గాయని సునీత వ్యాఖ్యాతగా వ్యవహరిస్తున్న అన్నమయ్య పాటకు పట్ట్భాషేకం కార్యక్రమంలో 50 మంది గాయకులు పాల్గొంటున్నారని వివరించారు.
మారుమూల ప్రాంతాలకు..
తితిదేవస్థానాలు చేపట్టిన ధర్మప్రచార కార్యక్రమాలు మారుమూల ప్రాంతాలకు కూడా చేర్చాలన్నదే తమ ప్రధాన ఉద్దేశమని తితిదే ఎగ్జిక్యూటివ్ ఆఫీసర్ డాక్టర్ డి. సాంబశివరావు పేర్కొన్నారు. ఎస్‌విబిసిని స్వయం సమృద్ధిగా మార్చాలని ప్రయత్నిస్తున్నామని, అలాగే ఈ చానల్ కార్యక్రమాలను మరింత మెరుగుపరుస్తామని తెలిపారు. అందరినీ ఆకట్టుకునేలా కార్యక్రమాలను రూపొందించాలన్నదే తమ ఉద్దేశమని వివరించారు. ప్రస్తుతం అన్నమయ్య కీర్తనలను వెలుగులోకి తీసుకువచ్చేందుకు ఈ కార్యక్రమం చేపట్టగా, భవిష్యత్తులో ఇతర రంగాలకు చెందిన అంశాలపై దృష్టి కేంద్రీకరిస్తామని వివరించారు. అన్నమయ్య పాటలకు పట్ట్భాషేకంలో 500 పాటలకు స్వరకల్పన చేస్తామని వివరించారు. ఎస్‌విబిసి రూపొందించే కార్యక్రమాలను ఇతర చానళ్లు కూడా వినియోగించుకునే సౌకర్యం కల్పిస్తామని వివరించారు. ఎస్‌విబిసి ఆదాయపరంగా స్వయం సమృద్ధి సాధించేలా చూస్తామన్నారు.
ఈ కార్యక్రమంలో రాఘవేంద్రరావు, ఎంఎం కిరవాణి, ప్రముఖ గా యని సునీత తదితరులు మాట్లాడారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.