రాష్ట్రీయం
వాతావరణంలో అనిశ్చిత పరిస్థితులు
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, మే 12: కొనే్నళ్ల క్రితం పగలు ఎండ తీవ్రతతో అల్లాడిన ప్రజలు సాయంత్రం వేళల్లో వర్షపు జల్లులతో సేద దీరేవారు. వర్షం కురియకపోయినా ఆకాశం మేఘావృతమై వాతావరణం చల్లబడేది. అయితే నేడు ఆ పరిస్థితి లేదు. రోజుల తరబడి ఎండలు మండుతున్నా, వర్షం కురిసిన సందర్భాలు లేవనే చెప్పాలి. వాతావరణంలో నెలకొన్న అనిశ్చిత పరిస్థితుల కారణంగా వేసవిలో సాయంకాలం జల్లులు కురవడం లేదు. వాతావరణంలో కర్బనపు అణువులు, ధూళి ఎక్కువ కావడం వల్ల వర్షం కురిసేందుకు పరిస్థితులు అనుకూలించడం లేదు. క్యుములోనింబస్ మేఘాలు పూర్తిస్థాయిలో ఏర్పడిన సందర్భాల్లో మాత్రమే వర్షం కురుస్తోందని ఆంధ్ర విశ్వవిద్యాలయంలో వాతావరణ శాస్త్ర విభాగం నిపుణుడు ఆచార్య భానుకుమార్ తెలిపారు. విశాఖ తదితర ప్రాంతాల్లో వివిధ పరిశ్రమల నుంచి వెలువడుతున్న దుమ్ము, ధూళి, కర్బనపు అణువులు గాలిలో ఉండిపోతున్నాయన్నారు. ఆకాశంలో మేఘాలుగా ఏర్పడి, సముద్రంపైనుంచి వచ్చే తేమ చేరుకునేందుకు వీలులేకుండా అడ్డుకుంటున్నాయని తెలిపారు. దీనివల్ల వాతావరణంలో క్యుములోనింబస్ మేఘాలు ఏర్పడినప్పటికీ అవి వర్షం కురిపించలేని స్థితిలో ఉంటున్నాయన్నారు. క్యుములోనింబస్ మేఘాలు నాలుగు స్థాయిలను దాటి పరిపక్వత పొందినప్పుడే వర్షిస్తాయన్నారు. అవి వర్షించడానికి వీలుగా మారనప్పుడు కేవలం నల్లని మేఘాలకే పరిమితం అవడం, ఈదురుగాలులు లేదా ఉరుములతో కూడిన వర్షం కురిసే అవకాశం ఉంటుందన్నారు. సగటు వార్షిక వర్షపాతంలో 8-10 శాతం వర్షపాతం ఈ వేసవి జల్లుల కారణంగా నమోదు అవుతుందని, కానీ ప్రస్తుతం ఆ పరిస్థితి లేదన్నారు. వాతావరణంలో చోటు చేసుకుంటున్న మార్పుల కారణంగా గతంలోలాగా వారంలో నాలుగైదు రోజులు జల్లులు పడే పరిస్థితి ఇప్పుడు లేదన్నారు.
ఉత్తర కోస్తాలో పలుచోట్ల వర్షం
వాతావరణంలో ఏర్పడిన క్యుములోనింబస్ మేఘాల కారణంగా గురువారం ఉత్తర కోస్తాలో పలుచోట్ల ఉరుములతో కూడిన వర్షం కురిసింది. విశాఖ, ఏజెన్సీలోని గిరిజన ప్రాంతాలు, తుని, విజయనగరంలో కొన్ని ప్రాంతాల్లో వర్షం కురిసింది. ఇదే పరిస్థితి శుక్రవారం కూడా ఉంటుందని, ఉత్తర కోస్తాలో ఒకటి రెండు చోట్ల ఉరుములతో కూడిన జల్లులు పడే అవకాశం ఉందని విశాఖలోని తుపాను హెచ్చరికల కేంద్రం అధికారులు తెలిపారు. విధర్భ నుంచి దక్షిణ తమిళనాడు వరకు రాయలసీమ, తెలంగాణ మీదుగా అల్పపీడన ద్రోణి విస్తరించి ఉందన్నారు. దీని ప్రభావం కోస్తాపై ఉండదని తెలిపారు. అత్యధిక ఉష్ణోగ్రతల కారణంగా తెలంగాణ, రాయలసీమల్లో కూడా దీని ప్రభావం ఉండదని వివరించారు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.