రాష్ట్రీయం
అవినీతికి అడ్రస్ కాంగ్రెస్
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, మే 14: దేశంలో అవినీతి అంటే తొలుత గుర్తుకు వచ్చేది కాంగ్రెస్ పార్టీయేనని ఆ పార్టీ నేతలు మానవత్వం, అవినీతి అంటూ పెద్ద మాటలు మాట్లాడుతున్నారని రాష్ట్ర మంత్రి కెటిఆర్ ఎద్దేవా చేశారు. శనివారం ఖమ్మంలో విలేఖరులతో మాట్లాడుతూ అవినీతి ఊబిలో కూరుకుపోయిన కాంగ్రెస్ నేతలు ప్రజల సంక్షేమం కోసం ప్రయత్నిస్తున్న టిఆర్‌ఎస్ ప్రభుత్వంపై విమర్శలు చేయడం దారుణమన్నారు. పాలేరు ఉప ఎన్నికలో మానవత్వం, విలువల గురించి మాట్లాడుతున్న కాంగ్రెస్ నాయకులు గతంలో భువనగిరి, చేవెళ్ళ, నారాయణఖేడ్‌లలో ఎందుకు మాట్లాడలేకపోయారని దుయ్యబట్టారు. కాంగ్రెస్‌కు వ్యతిరేకంగా పుట్టిన తెలుగుదేశం పార్టీ పాలేరులో మొదటిసారి కాంగ్రెస్‌తో జత కట్టిందని, ఎన్టీఆర్ ఆత్మ దీనితో క్షోభిస్తుందని చెప్పారు. పాలేరు ఉప ఎన్నికలో తుమ్మల నాగేశ్వరరావు పేరును తమ పార్టీ ప్రతిపాదించినప్పుడే గెలుపు సులభం అని తేలిపోయిందన్నారు. అయితే పార్టీ కార్యకర్తగా పార్టీ కార్యక్రమాలు, ప్రభుత్వ పథకాలు ప్రజలకు తెలియజెప్పేందుకే ప్రచారంలో పాల్గొన్నామన్నారు. కాంగ్రెస్ పార్టీకి చెందిన ప్రధాన నేతలు ప్రచారంలో పాల్గొంటే లేని అభ్యంతరం తమ శాసన సభ్యులు పాల్గొంటే ఎందుకని ప్రశ్నించారు. ఎన్నికల కమిషన్ తీసుకునే ఏ చర్యనైనా తాము స్వాగతిస్తామని వెల్లడించారు. తమ ప్రభుత్వం చేపడుతున్న అభివృద్ధి సంక్షేమ కార్యక్రమాలను చూసే ఇతర పార్టీల నేతలు తమ పార్టీలో చేరుతున్నారన్నారు. వైఎస్ జగన్మోహన్‌రెడ్డి తెలంగాణ ప్రాజెక్టులకు వ్యతిరేకంగా ఆందోళన చేస్తుంటే తట్టుకోలేక ఆ పార్టీ అధ్యక్షుడిగా ఉన్న పొంగులేటి శ్రీనివాస్‌రెడ్డి టిఆర్‌ఎస్‌లో చేరిన విషయాన్ని గుర్తించాలన్నారు. శంకుస్థాపన చేసిన ఏడాదిలోగానే భక్తరామదాసు ప్రాజెక్ట్‌ను ప్రారంభించనున్నట్లు ఆయన తెలిపారు.
దీని ద్వారా నియోజకవర్గంలోని 60 వేల ఎకరాలకు సాగునీటి కష్టాలు తీరతాయన్న ఆశాభావం వ్యక్తం చేశారు. ప్రజలు టిఆర్‌ఎస్ వెన్నంటే ఉన్నారని, ఎవరెన్ని చెప్పినా తుమ్మలను గెలిస్తారన్నారు.
chitram విలేఖరులతో మాట్లాడుతున్న కెటిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.