రాష్ట్రీయం
ఠారెత్తిస్తున్న ఎండలు
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, మే 23: రాష్ట్రంలో పగటి ఉష్ణోగ్రతలు గణనీయంగా పెరిగి ప్రజలను బెంబేలెత్తిస్తున్నాయి. రాష్ట్రం మీదుగా పొడి, వేడి గాలులు వీస్తుండటంతో చాలా చోట్ల సాధారణం కంటే 4 నుంచి 7 డిగ్రీలు అధికంగా నమోదు కావడం ఆందోళన కలిగిస్తోంది. రోను తుపాను కారణంగా రాష్ట్రంలో కురిసిన భారీ వర్షాల కారణంగా పగటి ఉష్ణోగ్రతలు తగ్గినప్పటికి, తుపాను తరువాత ఎండలు చుక్కలు చూపిస్తున్నాయి. ఆదివారం రాష్ట్రంలో పగటి ఉష్ణోగ్రతలు పెరుగుతూ సోమవారం మరింత ఎక్కువగా నమోదు అయ్యాయి. సోమవారం తునిలో 45 డిగ్రీలు, బాపట్లలో 44, కాకినాడలో 43.4, ఒంగోలు, విజయవాడ, విశాఖ విమానాశ్రయం, గన్నవరం, మచిలీపట్నంలో 43 డిగ్రీలు నమోదు అయ్యాయి. ఉదయం నుంచి ఎండ వేడిమి ఎక్కువగా ఉండటంతో పాటు మధ్యాహ్నానానికి కొన్ని చోట్ల వడగాల్పులు వీచాయి. విశాఖలో ఎండ వేడిమి తీవ్రంగా ఉండటంతో ఉదయం నుంచి రహదారులు నిర్మానుష్యంగా మారాయి. విశాఖలో పాలిసెట్‌కు సంబంధించి సర్ట్ఫికెట్ల పరిశీలిన సోమవారం నుంచి ప్రారంభమైంది. అభ్యర్థులు, తల్లితండ్రులు ఎండ నుంచి రక్షణ కల్పించేందుకు కనీస చర్యలు చేపట్టకపోవడంతో తీవ్ర ఇబ్బందులకు గురయ్యారు. విశాఖలో సాధారణం కంటే 7 డిగ్రీలు, బాపట్లలో 5, కాకినాడలో 4 డిగ్రీలు అధికంగా నమోదు అయినట్లు విశాఖలోని తుపాను హెచ్చరికల కేంద్రం అధికారులు సోమవారం రాత్రి తెలిపారు. వాయువ్య దిశగా వస్తున్న పొడి, వేడి గాలుల కారణంగా రాష్ట్రంలో పలుచోట్ల అధిక ఉష్ణోగ్రతలు నమోదు అవుతున్నట్లు తెలిపారు. ఇదే పరిస్థితి రానున్న రెండు రోజులు కొనసాగుతుందని హెచ్చరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.