రాష్ట్రీయం
భూసేకరణను అడ్డుకుంటాం: సిపిఎం
S ,7 à 8 RSCA (si SASPAS) et 6 cialis pharmacie cialis rapports de stage.
రాజమండ్రి, డిసెంబర్ 11: రాష్ట్రంలో వివిధ జిల్లాల్లో రైతుల అంగీకారం లేకుండా ప్రభుత్వం బలవంతంగా భూములను లాక్కుంటోందని, ఇలాంటి విధానాన్ని తమ పార్టీ అడ్డుకుంటుందని సిపిఎం రాష్ట్ర కార్యదర్శి మధు హెచ్చరించారు. బలవంతపు భూసేకరణకు వ్యతిరేకంగా తూర్పు గోదావరి జిల్లా రాజమండ్రిలో శుక్రవారం జరిగిన సదస్సులో ఆయన పాల్గొన్నారు. ఈ సందర్భంగా ఆయన విలేఖర్లతో మాట్లాడుతూ రైతుల ఆమోదం లేకుండా భూసేకరణ జరపకూడదని 2013 భూసేకరణ చట్టం స్పష్టంగా పేర్కొంటుంటే, రాష్ట్రప్రభుత్వం మాత్రం రైతుల నుండి భూములను లాక్కుంటోందన్నారు. విమానాశ్రయం నిర్మాణం కోసం భోగాపురంలో భూములను లాక్కుంటూ, అడ్డొచ్చిన రైతులను అరెస్ట్ చేస్తోందన్నారు. రైతుల ఆమోదం లేకుండా, వారికి పరిహారం చెల్లించకుండా ఇలా మెడపై కత్తిపెట్టి భూములను లాక్కోవటం దుర్మార్గమన్నారు. ఇలాంటి బలంతపు భూసేకరణకు వ్యతిరేకంగా రిటైర్డ్ ఐఎఎస్ అధికారి గోపాలరావు అధ్యక్షతన రైతు సంఘాలు, రైతులు, రైతు కూలీలు, వివిధ సంస్థలు, సంఘాలతో కలిసి ఒక వేదిక ఏర్పడిందన్నారు. ఈ వేదిక చేసే ఉద్యమాలకు సిపిఎం మద్దతు పలుకుతోందన్నారు. తుళ్లూరులో బలవంతపు భూసేకరణను అడ్డుకున్న రైతుకు చెందిన 7.5 ఎకరాల్లోని అరటి తోటను రాష్ట్ర ప్రభుత్వం దున్నించిందన్నారు. గోపాలరావు అధ్యక్షతన ఏర్పడి రైతుల హక్కుల పోరాట వేదిక ఆధ్వర్యంలో ఫిబ్రవరిలో రాష్టవ్య్రాప్తంగా ఆందోళన కార్యక్రమాలు నిర్వహించి, మార్చిలో చలో అసెంబ్లీ కార్యక్రమాన్ని చేపట్టనున్నట్టు చెప్పారు. పోలవరం నిర్వాసితులకు కూడా పరిహారం చెల్లించకుండా బలవంతంగా ఖాళీచేయిస్తున్నారని, భూమికి భూమి ఇవ్వాలన్న నిబంధనను కూడా నిర్లక్ష్యం చేస్తున్నారన్నారు. గిరిజనులకు ఎక్కడో వ్యవసాయ భూమి, మరెక్కడో ఇంటి స్థలాన్ని ఇవ్వటం సరికాదన్నారు. గిరిజనులు గ్రామాలను ఖాళీ చేయకపోతే సంక్షేమ పథకాలను కత్తిరిస్తామని ముఖ్యమంత్రి హెచ్చరిస్తున్నారన్నారు.
నేడు, రేపు సిపిఎం రాష్ట్ర సమావేశాలు
రాష్ట్రంలో వామపక్ష ప్రజాతంత్ర ప్రత్యామ్నాయ కూటమిని ఏర్పాటుచేసుకోవాలన్న లక్ష్యంలో భాగంగా శని, ఆదివారాల్లో రాజమండ్రిలో సిపిఎం రాష్ట్ర విస్తృత సమావేశాలు ఏర్పాటుచేసినట్టు రాష్ట్ర కార్యదర్శి మధు చెప్పారు. ఉదయం 10 గంటలకు ప్రారంభోత్సవ సమావేశం, సాయంత్రం బహిరంగ సభ జరుగుతాయన్నారు. రాజమండ్రి సమావేశాల్లో కీలక నిర్ణయాలు తీసుకోనున్నట్టు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.