రాష్ట్రీయం
మత్తయ్యకు ఊరట
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 3: ఓటుకు నోటు కేసులో నాల్గవ నిందితుడిగా ఉన్న జెరూసలేం మత్తయ్యపై తెలంగాణ ఏసిబి నమోదు చేసిన క్రిమినల్ ప్రొసీడింగ్స్‌ను హైకోర్టు కొట్టివేసింది. దీంతో మత్తయ్యకు ఊరట లభించింది. ఓటుకు నోటు కేసు దేశవ్యాప్తంగా సంచలనం కలిగించిన విషయం తెలిసిందే. జస్టిస్ బి శివశంకర్ రావు కేసును విచారించారు. తనపై నమోదు చేసిన కేసును కొట్టివేయాలంటూ మత్తయ్య పెట్టుకున్న పిటిషన్‌ను విచారించి క్రిమినల్ ప్రొసీడింగ్స్‌ను కొట్టివేస్తున్నట్లు శుక్రవారం ప్రకటించింది. మత్తయ్యపైన అవినీతి నిరోధక చట్టం కింద కేసులు నమోదు చేయడం సరైన విధానం కాదన్నారు. ఈ సెక్షన్లు పబ్లిక్ సర్వెంట్లు అవినీతికి పాల్పడడం, లేదా అవినీతికి ప్రయత్నించడానికి సంబంధించిన కేసులని కోర్టు పేర్కొంది. గత ఏడాది తెలంగాణ ఎమ్మెల్సీ ఎన్నికల్లో ఆంగ్లో ఇండియన్ ఎమ్మెల్యే స్టీఫెన్‌సన్, తాను తేదాపాకు అనుకూలంగా ఓటు వేస్తే రూ. 50 లక్షల సొమ్ము ఇస్తామని ఎమ్మెల్యే రేవంత్ రెడ్డి తదితరులు ఆశ చూపారని ఏసిబికి ఫిర్యాదు చేశారు. దీంతో ఏసిబి రంగంలోకి దిగి రేవంత్‌రెడ్డి, సహకరించిన బిషప్ హారీ సెబాష్టియన్, ఉదయసింహ, ఎమ్మెల్యే సండ్ర వెంకట వీరయ్యను అరెస్టు చేయడం, వీరంతా బెయిల్‌పై విడుదలవడం తెలిసిందే. కేసులో మత్తయ్య పాత్రపైనా ఏసిబి కేసు నమోదు చేస్తే, తాను నిరపరాధినని మత్తయ్య హైకోర్టులో పిటిషన్ దాఖలు చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.