రాష్ట్రీయం
సింగిల్ పర్మిట్ ఇవ్వకుంటే ‘సరిహద్దు దిగ్బంధం’
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 4: ఈ నెల 10వ తేదీలోగా సమస్యలు పరిష్కరించకుంటే రెండు తెలుగు రాష్ట్రాల సరిహద్దుల్లో రోడ్డు దిగ్బంధం చేస్తామని తెలంగాణ లారీ ఓనర్స్ అసోసియేషన్ శనివారం హెచ్చరించింది. తెలంగాణ లారీ యజమానుల సంఘం అధ్యక్ష, కార్యదర్శులు ఎన్ భాస్కర్‌రెడ్డి, జి దుర్గాప్రసాద్ మీడియాతో మాట్లాడుతూ నిరుడు తెలంగాణ లారీ యజమానులకు ఆంధ్రప్రదేశ్ ప్రభుత్వం ద్వారా సింగిల్ పర్మిట్ కావలసి ఉండగా ఆ ప్రభుత్వంతో తెలంగాణ ప్రభుత్వం గత పక్షం రోజుల క్రితం ఉత్తరప్రత్యుత్తరాలు జరిపింది. సింగిల్ పర్మిట్ విధానంపై ఆంధ్రప్రదేశ్ ప్రభుత్వం స్పందించలేదు. కాగా గత నెల 24న ఆంధ్రప్రదేశ్ ప్రభుత్వ ప్రధాన కార్యదర్శిని కలసి సింగిల్ పర్మిట్ విధానంపై చర్చించామని తెలిపారు. అందుకు ఏపి ప్రభుత్వం అధికారులతో చర్చించి పర్మిట్ ఇచ్చేందుకు తగు చర్యలు తీసుకుంటామని హామీ ఇచ్చారని తెలిపారు. ఈ పర్మిట్‌తో ప్రతి లారీకి ఏడాదికి రూ. 8వేలు వసూలు చేసే ఆలోచనలో ఉన్నట్టు తెలిసిందని వారు చెప్పారు. సింగిల్ పర్మిట్ ఇచ్చిపుచ్చుకోవడంలో కొన్ని రాష్ట్రాలు ఏడాదికి రూ. 2వేలు, 3వేలు, 5వేలు వరకు వసూలు చేస్తున్నాయని అన్నారు. ఇతర రాష్ట్రాల మాదిరిగానే తెలంగాణలో కూడా పర్మిట్ ఇస్తూ ఏడాదికి రూ. 5వేలు వసూలు చేయాలని వారు సూచించారు. రెండు తెలుగు రాష్ట్రాలు సింగిల్ పర్మిట్ విధానాన్ని ఏడాదికి రూ. 5వేల పన్నుతో అంగీకరించి ఉత్తర్వులు జారీ చేయాలని వారు డిమాండ్ చేశారు. ఈ నెల 10లోగా సింగిల్ పర్మిట్ విధానాన్ని అమలు జరుపకపోతే రెండు తెలుగు రాష్ట్రాల సరిహద్దుల్లో రోడ్డు దిగ్బంధం చేస్తామని వారు హెచ్చరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.