రాష్ట్రీయం
ముందే రిటైర్ చేశారు..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 6: మహానగర పాలక సంస్థలో పరిపాలన రోజురోజుకు గాడితప్పుతోంది. ఎవరుపడితే వారు ఆయా రాం.. గయా రాం అన్నట్టు తయారైంది పరిస్థితి. రెగ్యులర్, కాంట్రాక్టు, ఔట్‌సోర్సు ప్రాతిపదికన పనిచేసే ఉద్యోగులు, కార్మికుల జీతభత్యాలు మొదలుకుని ఇతర ప్రయోజనాలు, పదవీ విరమణ వంటి కీలకమైన అంశాలను చూసుకునే పరిపాలన విభాగం ఉన్నతాధికారుల నిర్లక్ష్యం కారణంగా ఓ రెగ్యులర్ ఉద్యోగి పదవీ విరమణ పొందాల్సిన తేదీ కన్నా ముందే రిటైర్ అయ్యారు. నెల నెలా రావల్సిన జీతం రాకపోవటంతో ఆందోళనకు గురైన స్వీపర్ రాములమ్మ సర్కిల్, జోనల్, ప్రధాన కార్యాలయాల చుట్టు తిరిగితే గానీ అసలు విషయం బయటపడలేదు. సర్కిల్ 10లో రెగ్యులర్ స్వీపర్‌గా పనిచేస్తున్న ఎన్.రాములమ్మ సర్వీసు రికార్డుల్లో జన్మదినం 1959 ఫిబ్రవరి 2గా పొందుపరచి ఉంది. ఇదే సమాచారం జిహెచ్‌ఎంసి కంప్యూటర్లలో 1958గా తప్పుగా నమోదు చేశారు. ఈ రెండో సమాచారం ప్రాతిపదికన లెక్కచేస్తే రాములమ్మ 2019 జనవరి 31న పదవీ విరమణ పొందనుంది. అయితే ఏ పనిచేసినా, కాస్త అత్యుత్సాహాన్ని కనబరిచే అధికారులు రాములమ్మను గత జనవరి నెలాఖరులోనే ఉద్యోగం నుంచి రిటైర్ చేశారు. ఈ విషయం కూడా అధికారులు రాములమ్మకు తెలియజేయలేదు. ఆ తర్వాత ఆమెకు జీతం ఆగిపోయింది.
ఆందోళన చెందిన ఆమె ఏమైందన్న విషయాన్ని తెల్సుకునేందుకు సర్కిల్, జోనల్ కార్యాలయాల చుట్టూ ప్రదిక్షణలు చేసింది. అయితే ప్రధాన కార్యాలయం అధికారులు ఆమె సర్వీసు రికార్డులను పరిశీలించే సరికి ఆమె జన్మదినం ఫిబ్రవరి 8 1959గా ఉన్నట్లు గుర్తించారు. ఇదే సమాచారం కంప్యూటర్లలో సంవత్సరం 1958గా ఉండటాన్ని బట్టి ఆమెకు ఇంకా కనీసం సంవత్సర కాలం పదవీ కాలం ఉంది. అయినా అధికారులు ఆమెను ముందుగానే ఉద్యోగం నుంచి రిటైర్ చేసినట్లు గుర్తించిన అధికారులు తమ తప్పును తెల్సుకుని నాలుక్కర్చుకున్నారు. ఫిబ్రవరి మాసం నుంచి తాను విధులకు హాజరవుతున్నా, అప్పటి నుంచి జీతం రావటం లేదని రాములమ్మ వాపోయింది.
చిత్రం స్వీపర్ రాములమ్మ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.